ଭୁବନେଶ୍ୱର: ଉତ୍କଳ ହସ୍ପିଟାଲ ନୂଆ ରୋଡରେ ସିରିଜ ଦୁର୍ଘଟଣା ଘଟିଛି । ସ୍କୁଟି ସହ ଅନ୍ୟ ଏକ କାରକୁ ଗୋଟିଏ କାର୍ ଧକ୍କା ଦେବା ଫଳରେ ଦୁର୍ଘଟଣାରେ ସ୍କୁଟି ଚାଳକ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ଚାଳକ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଦୁର୍ଘଟଣାରେ କାର୍ ଡ୍ରାଇଭର ଖସି ପଳାଇବାକୁ ଉଦ୍ୟମ ବେଳେ ସ୍ଥାନୀୟ ଲୋକ କାର୍ ଡ୍ରାଇଭରକୁ କାବୁ କରିଛନ୍ତି । ସନ୍ଧ୍ୟା ସମୟରେ ପ୍ରଥମେ ସ୍କୁଟିଟିକୁ ଧକ୍କା ଦେଇଥିଲା କାର୍ । ପରେ ଦୁର୍ଘଟଣା ଘଟାଇ ସେଠାରୁ ଖସି ପଳାଇବାକୁ ଉଦ୍ୟମ ବେଳେ ଆଉ ଏକ କାରକୁ ଧକ୍କା ଦେଇଥିଲେ । ଦୁର୍ଘଟଣା ଘଟାଇଥିବା କାରର ଡ୍ରାଇଭରକୁ ଅଟକ ରଖି ପୁଲିସର ଜିମା ଦେଇଛନ୍ତି ଲୋକ । ପୁଲିସ ଘଟଣାସ୍ଥଳରେ ପହଞ୍ଚି ଗାଡ଼ିକୁ ଜବତ କରି ତଦନ୍ତ ଜାରି ରଖିଛି ।
Comments are closed.