ଭୁବନେଶ୍ୱର: ଭାରତର ମହାଲେଖା ନିୟନ୍ତ୍ରକ ଓ ମହାପରୀକ୍ଷକ (ସିଏଜି) ଆନୁକୂଲ୍ୟରେ ଓ ଭାରତୀୟ ଫୁଟବଲ ମହାସଂଘ ସହଯୋଗରେ ସିଏଜି ଓ ଭାରତୀୟ ଯୁବ ଫୁଟବଲ ଦଳ ମଧ୍ୟରେ ଏକ ବନ୍ଧୁତାପୂର୍ଣ୍ଣ ଦିବା ରାତ୍ର ଫୁଟବଲ ମ୍ୟାଚ ସ୍ଥାନୀୟ ୩ ନମ୍ବର କ୍ୟାପିଟାଲ ହାଇସ୍କୁଲ ପଡିଆ ଠାରେ ଅନୁଷ୍ଠିତ ହୋଇ ଯାଇଅଛି। ଉଦଘାଟନ ମ୍ୟାଚରେ ପ୍ରଧାନ ମହାଲେଖାକାର ରାଜ କୁମାର ମୁଖ୍ୟ ଅତିଥି, ମହାଲେଖାକାର ବିଶ୍ୱନାଥ ସିଂହ ଜାଡୋନ, ଭାରତୀୟ ଫୁଟବଲ ମହାସଂଘର ବୈଷୟିକ ନିର୍ଦେଶକ ଦୀପଙ୍କର ବିଶ୍ୱାସ ସମ୍ମାନିତ ଅତିଥି ଭାବେ ଯୋଗ ଦେଇ ଟୁର୍ଣ୍ଣାମେଣ୍ଟକୁ ଉଦଘାଟନ କରିଥିଲେ। ସିଏଜି ଦଳରେ ଓଡିଶା ଏ.ଜିର ଅର୍ପଣ ଲାକ୍ରା ଓ ଗୌରବ ନେଗୀ ରକ୍ଷଣ ଭାଗ ଖେଳାଳି ଭାବେ ପ୍ରତିନିଧିତ୍ବ କରିଛନ୍ତି। ଖେଳର ପ୍ରଥମାର୍ଦ୍ଧରେ ଗୋଲ ଶୂନ୍ୟ ରହିଥିଲା କ୍ଷ ଖେଳର ଦ୍ୱିତୀୟାର୍ଦ୍ଧରେ ସିଏଜି ଦଳ ୩ଟି ଗୋଲ ଦେଇ ବିଜୟୀ ହୋଇଥିଲେ। ଓଡିଶା ଏ.ଜି ତଥା ସିଏଜି ଦଳର ସ୍ଥାନୀୟ ପରିଚାଳକ ବରୁଣ ପ୍ରସନ୍ନ ମାଝି ଖେଳ ପରିଚାଳନା କରିଥିଲେ।
Comments are closed.