ଆରଡି: ଗୁରୁବାର ଆରଡ଼ି ଅଞ୍ଚଳରେ କାଳବୈଶାଖୀ ପ୍ରଭାବରେ ଝଡତୋଫାନ ସାଙ୍ଗକୁ ପ୍ରବଳରୁ ଅତି ପ୍ରବଳ ବର୍ଷା ହୋଇଥିଲା। ଏହାଫଳରେ ଚାନ୍ଦବାଲି ବ୍ଲକ ଆରଡି ନିକଟସ୍ଥ ଶୀତଳପୁର ଗାଁ ନିକଟରେ ସାଳନ୍ଦୀ ନଦୀର ସୁରକ୍ଷାବନ୍ଧ ପାଖାପାଖି ୫୦ଫୁଟ ଧସିଯଯାଇଛି। ନଦୀକୂଳକୁ ଲାଗିକରି ଥିବା ୩ଟି ପରିବାରରଙ୍କର ୬ବଖରା ଘର ଅଣ୍ଟାଏ ଉଚ୍ଚରୁ ଦବିଯିବାରୁ ଭିଟାମାଟି ଛାଡି ଅନ୍ୟତ୍ର ଆଶ୍ରୟ ନେଇଛନ୍ତି ପରିବାର ଲୋକ। ତାହାସହ ବର୍ଷାପବନ ଲାଗି ରହିଥିବାରୁ ନଦୀ ଜୁଆର ଢେଉରେ କୂଳ ଖାଉଛି। ଯାହାଫଳରେ ଗାଁ ଲୋକ ନଦୀବନ୍ଧକୁ ଜଗି ରହିଛନ୍ତି। ପୂର୍ବରୁ ନଦୀବନ୍ଧରେ ବିରାଟକାୟ ଫାଟ ସୃଷ୍ଟି ହୋଇଥିବା ବଳେ ନଦୀକୂଳରେ ଥିବା ଘର ଗୁଡିକର ଭୂସ୍ଖଳନ ଘଟି ଦବିଯାଇଥିଲା। ଏହାର ପ୍ରଭାବରେ ନଦୀବନ୍ଧରେ ଥିବା ଶହଶହ ବର୍ଷର ନଡିଆ ଓ ତାଳଗଛ ନଦୀ ଆଡକୁ ଢଳି ରହିଥିଲା। ଏବେ ବର୍ଷା ପବନରେ ନଦୀବନ୍ଧ ସମ୍ପୁର୍ଣ୍ଣ ଭାବେ ଧସିଯିବାରୁ ଭୟରେ ନଦୀକୂଳିଆ ଘର ଓ ଆସବାପତ୍ର ଛାଡି ପଳାଇଥିବା ସୂଚନା ମିଳିଛି।
Popular Categories
Previous article
Next article