ନେମାଳ : କେନ୍ଦ୍ର ସରକାର ଆୟୁଷ୍ମାନ ଭାରତ ଯୋଜନା କାର୍ଯ୍ୟକ୍ରମ ଆରମ୍ଭ କରିଛନ୍ତି। ହେଲେ ରାଜ୍ୟ ସରକାର ଏହି ଯୋଜନାକୁ ଓଡିଶାରେ କାର୍ଯ୍ୟକାରୀ କରିବା ପାଇଁ ବିରୋଧ କରୁଛନ୍ତି। ଉକ୍ତ ବିରୋଧକୁ ପ୍ରତିବାଦ କରି ବୁଧବାର ବିଜେପି ପକ୍ଷରୁ ଏକ ବିଶାଳ ଶୋଭାଯାତ୍ରାକୁ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶାରଦା ପ୍ରଧାନ ଆନୁଷ୍ଠାନିକ ଭାବେ ଉଦ୍ଘାଟନ କରିଛନ୍ତି। ଆଇନଜିବି ଅମରେନ୍ଦ୍ର ନାରାୟଣ ଦାସଙ୍କ ଅଧ୍ୟକ୍ଷତାରେ ଆୟୋଜିତ ଏହି ଶୋଭାଯାତ୍ରାରେ ଶତାଧିକ ବିଜେପି କର୍ମୀ ଯୋଗଦେଇ ଜନଜାଗରଣ ସୃଷ୍ଟି କରିଥିଲେ। ବିଭିନ୍ନ ପଞ୍ଚ।ୟତରେ ଉକ୍ତ ଶୋଭାଯାତ୍ରା ପହଞ୍ଚି ଆୟୁଷ୍ମାନ ଭାରତ ଯୋଜନା ପ୍ରଣୟନ ହେଲେ ଓଡିଶାର ଜନସାଧାରଣ ସାରାଦେଶରେ ଥିବା ବିଭିନ୍ନ ସରକାରୀ, ବେସରକାରୀ, ଡାକ୍ତରଖାନାରେ ୫ଲକ୍ଷ ଟଙ୍କା ପର୍ଯ୍ୟନ୍ତ ମାଗଣାରେ ସ୍ୱାସ୍ଥ୍ୟସେବା ପାଇପାରିବେ ବୋଲି ସଚେତନତା ସୃଷ୍ଟି କରିଥିଲା । ଉକ୍ତ କାର୍ଯ୍ୟକ୍ରମରେ ବିଜେପି ନେତା ଆଶୁତୋଶ ତ୍ରିପାଠି, ମଣ୍ଡଳ ସଭାପତି ଅଶୋକ କୁମାର ପରିଡା, କଟକ ଜିଲ୍ଲା ମହିଳା ମୋର୍ଚ୍ଚା ସାଧାରଣ ସଂମ୍ପାଦିକା, ଅଶୋକ କୁମାର ସାହୁ, ପ୍ରଦିପ୍ତ ପରିଡା, ବାବୁ ପରିଡା, ପ୍ରଭାରି ନିର୍ମଳ ରାଉତ ପ୍ରମୁଖ ଅଂଶଗ୍ରହଣ କରିଥିଲେ।
Popular Categories
Previous article
Next article