ଡେସ୍କ: ଭାରତ ଥୋମାସ କପ ଚମ୍ପିୟାନ ଆଖ୍ୟା ହାସଲ କରିଛି। ଦୀର୍ଘ ୭୩ ବର୍ଷ ପରେ ଭାରତକୁ ପ୍ରଥମ ଥର ଏହି ସଫଳତା ମିଳିଛି। ଫାଇନାଲରେ ଭାରତ ୧୪ ଥରର ଚମ୍ପିୟାନ ଇଣ୍ଡୋନେସିଆକୁ ୩-୦ରେ ପରାସ୍ତ କରିବାରେ ସକ୍ଷମ ହୋଇଛି। ଉନ୍ନତମାନର ଖେଳ ପ୍ରଦର୍ଶନ କରି ଲକ୍ଷ୍ୟ ସେନ, ସାତ୍ଵିକ-ଚିରାଗ ଓ କିଦାମ୍ବି ଶ୍ରୀକାନ୍ତ ଭାରତକୁ ଏହି ଟାଇଟଲ ଜିତିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।
ଭାରତର ଏହି ଐତିହାସିକ ବିଜୟ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବ୍ୟାଡମିଣ୍ଟନ ଟିମକୁ ଶୁଭେଚ୍ଛା ଜଣାଇଛନ୍ତି। ପ୍ରଧାନମନ୍ତ୍ରୀ ଟ୍ୱିଟ କରିଛନ୍ତି ଯେ, ସାରା ଦେଶ ଏହି ବିଜୟ ହାସଲରେ ସାମିଲ ହୋଇଛି। ସେ କହିଛନ୍ତି, ଏହି ବିଜୟ ହାସଲ ଅନ୍ୟ କ୍ରୀଡ଼ାବିତମାନଙ୍କୁ ପ୍ରେରଣା ଯୋଗାଇବ।
- Advertisement -
କେନ୍ଦ୍ର କ୍ରୀଡ଼ାମନ୍ତ୍ରୀ ଅନୁରାଗ ଠାକୁର ଭାରତୀୟ ବ୍ୟାଡମିଣ୍ଟନ ଦଳକୁ ଶୁଭେଚ୍ଛା ଜଣାଇଛନ୍ତି। ଏହି ଅବସରରେ ଶ୍ରୀ ଠାକୁର ଦଳ ପାଇଁ ୧ କୋଟି ଟଙ୍କାର ପୁରସ୍କାର ଘୋଷଣା କରିଛନ୍ତି।
