ଚୌଦ୍ୱାର: ଚୌଦ୍ୱାରରେ ଶ୍ରଜଗନ୍ନାଥ ପଞ୍ଚରାତ୍ର ମହୋତ୍ସବରରେ ପ୍ରତିଦିନ ସଂଧ୍ୟାରେ ଶ୍ରୀ ଜଗନ୍ନାଥ କଥାମୃତ ପ୍ରବଚନ ଅନୁଷ୍ଠିତ ହେଉଛି। ଏହି ପ୍ରବଚନ ଶୁଣିବା ପାଇଁ ସେଠାରେ ବହୁ ଜନ ସମାଗମ ପରିଲକ୍ଷିତ ହେଉଛି। ଶ୍ରୀ ଜଗନ୍ନାଥ ସଂସ୍କୃତି ରାଷ୍ଟ୍ରୀୟ ପ୍ରବଚକ ସତ୍ୟାନନ୍ଦ ଦାସ ମହାରାଜଙ୍କ ପ୍ରବଚନ ଶ୍ରବଣ କରିବା ପାଇଁ ସଂଧ୍ୟାରୁ ଭକ୍ତ ମାନଙ୍କ ଭିଡ଼ ଜମୁଛି। ଚୌଦ୍ୱାର ଶ୍ରୀ ଜଗନ୍ନାଥ ଭକ୍ତ ସମାଜ ଆନୁକୁଲ୍ୟରେ ଆୟାଜିତ ତୃତୀୟ ମହୋତ୍ସବରେ କପାଳେଶ୍ୱର ମନ୍ଦିରରେ ପଞ୍ଚରାତ୍ର ମଣ୍ଡପରେ ସ୍ଥାପିତ ଶ୍ରୀଜୀଉମାନଙ୍କ ଦର୍ଶନ, ନାମ ସଂକୀର୍ତ୍ତନ, ଜଗନ୍ନାଥ ଭଜନ, ଜଗନ୍ନାଥ ସଂସ୍କୃତି ସମ୍ପର୍କିତ ନୃତ୍ୟ ପରିବେଷଣ ଆଦି କାର୍ଯ୍ୟକ୍ରମ ଭକ୍ତମାନଙ୍କୁ ବାନ୍ଧି ରଖିବାରେ ସହାୟକ ହୋଇଛି।
ଗୁରୁବାର ସଂଧ୍ୟାରେ ଶିଶୁ ପ୍ରବଚକ କେଶବ ବାବାଙ୍କ ପ୍ରବଚନ ବେଶ ଲୋକାଦୃତ ହୋଇଥିଲା। ଭକ୍ତ ସମାଜର କୃଷ୍ଣଚନ୍ଦ୍ର ମହାନ୍ତି, ସନ୍ତୋଷ କୁମାର ଧର, କେଦାରନାଥ ଷଢ଼ଙ୍ଗୀ, ଶୁଭେନ୍ଦୁ ସାମଲ, ବିମଳ ବେଉରା, ଅର୍ଜୁନ ପଣ୍ଡା, ଅଶୋକ କୁମାର ସାହୁ ,ଦେବାଶୀଷ ସାମଲ ପ୍ରମୁଖ କାର୍ଯ୍ୟକ୍ରମ ପରିଚାଳନା ମୁଖ୍ୟ ଭୁମିକା ଗ୍ରହଣ କରିଛନ୍ତି ।ଆସନ୍ତା ରବିବାର ଦିନ ମହୋତ୍ସବର ଉଦ୍ୟାପନୀ ଉତ୍ସବ ପାଳନ କରାଯିବ ବୋଲି ସମ୍ପାଦକ ଶରତ କୁମାର ଖୁଣ୍ଟିଆ ସୂଚନା ଦେଇଛନ୍ତି।
Comments are closed.