ଭୁବନେଶ୍ୱର: ରାଜଧାନୀ ଭୁବନେଶ୍ବରରେ ନିଶା କାରବାର ରୋକିବାକୁ ପୁଲିସ ଓ ଅବକାରୀ ବିଭାଗ ଉଦ୍ୟମ କଲେ ମଧ୍ୟ ସଫଳ ହୋଇପାରୁନାହିଁ। ପ୍ରତିଦିନ କେଉଁଠି ନା କେଉଁଠି ନିଶା ଦ୍ରବ୍ୟ ଜବତ ହେଉଛି। ରାଜଧାନୀ ଭୁବନେଶ୍ବରକୁ ଦୈନିକ ଦୁଇ କୁଇଣ୍ଟାଲ ଗଞ୍ଜେଇଚୋରାରେ ଆସୁଥିଲା ବେଳେ କାଁ ଭାଁ ଜବତ ହେଉଛି। ଏପରି ତଥ୍ୟ ଦେଇଛନ୍ତି ଖୋଦ ଚାଲାଣକାରୀ। ରବିବାର ରାତିରେ ଏକ ରୋଗୀବୁହା ଯାନରେ ଗଞ୍ଜେଇ ଚାଲାଣ ହେଉଥିଲା ବେଳେ କନ୍ଧମାଳ ଜିଲା ଭ୍ରାମ୍ୟମାଣ ଅବକାରୀ ଦଳ ହାତରେ ଧରାପଡିଛି। ଅବକାରୀ କର୍ମଚାରୀମାନେ ସଦର ଥାନା ରାଣୀପଥର ଘାଟି ନିକଟରେ ରୋଗୀବୁହା ଯାନକୁ ଅଟକାଇ ପ୍ରାୟ ୧ କୁଇଣ୍ଟାଲ ଗଞ୍ଜେଇ ଜବତ କରିଛନ୍ତି। ଏହି ଘଟଣାରେ ଅନୁଗୋଳର ପ୍ରହ୍ଲାଦ ବେହେରା ଧରା ପଡିଥିଲା ବେଳେ ଟିକି ବେହେରା ଫେରାର ହୋଇଯାଇଥିଲେ।
ପ୍ରହ୍ଲାଦଙ୍କ ସୂଚନା ଅନୁସାରେ ଚାଲାଣ ଗଞ୍ଜେଇ ଭୁବନେଶ୍ବରରେ ପହଞ୍ଚାଇବାର ଥିଲା। ପୁଲିସ ଓ ଅବକାରୀ କର୍ମଚାରୀଙ୍କଠାରୁ ବର୍ତ୍ତିବା ଲାଗି ରାଜଧାନୀ ଉପକଣ୍ଠ ଅଞ୍ଚଳ, ବିେଶଷ କରି ନୂତନ ଭାବେ ଗଢି ଉଠୁଥିବା ଜନବସତି ଅଞ୍ଚଳରେ ଗଞ୍ଜେଇ ଗଚ୍ଛିତ କରି ବିଭିନ୍ନ ସ୍ଥାନକୁ ଚାଲାଣ କରିଥାନ୍ତି। ଅଭିଯୁକ୍ତର ତଥ୍ୟ ଅନୁସାରେ ରାଜଧାନୀକୁ ଦୈନିକ ପାଖାପାଖି ୨ କୁଇଣ୍ଟାଲ ଗଞ୍ଜେଇ ଆସୁଛି। ଭୁବନେଶ୍ବର ଓ ଏହାର ଆଖପାଖ ଅଞ୍ଚଳରେ ପାଖାପାଖି ୧ କୁଇଣ୍ଟାଲ ବିକ୍ରି ହେଉଥିବା ବେଳେ ବାକିତକ ଅନ୍ୟ ଜିଲାକୁ ଚାଲାଣ କରାଯାଇଥାଏ। ଯଦି ରାଜଧାନୀକୁ ଦୈନିକ ୨କୁଇଣ୍ଟାଲ ଗଞ୍ଜେଇ ଆସୁଛି େତବେ ପୁଲିସ ଓ ଅବକାରୀ ବିଭାଗ ନଜରରେ କାହିଁକି ପଡୁନି। େକବଳ ନାମକୁ ମାତ୍ର ଚଢଉ କରି ଉଭୟ ବିଭାଗ ନିଜ କର୍ତ୍ତବ୍ୟ ସମ୍ପାଦନ କରି େଦଉଛି େବାଲି ସାଧାରଣରେ ଆେଲାଚନା େହଉଛି।
