ଅବପାତରେ ପରିଣତ ହେଲା ଲଘୁଚାପ, ଦିଗ ଭାଙ୍ଗି ସମୁଦ୍ର ଉପରେ ଚାଲିଯିବ ବାତ୍ୟା

ଭୁବନେଶ୍ବର: ଓଡ଼ିଶା ଉପରୁ ଟଳିଲା ବିପଦ। ବଙ୍ଗୋପ ସାଗରରେ ସୃଷ୍ଟ ଲଘୁଚାପ ଅବପାତରେ ପରିଣତ। ଅବପାତ ଏବେ ପରୀଠାରୁ ୧୩ଶହ କିମି ଦୂରରେ କେନ୍ଦ୍ରୀଭୂତ। ଆସନ୍ତା ୧୨ ଘଣ୍ଟା ମଧ୍ୟରେ ଅବପାତ ବାତ୍ୟାରେ ପରିଣତ ହେବା ସମ୍ଭାବନା। ତେବେ ଓଡ଼ିଶାରେ ବାତ୍ୟା ହେବ ନାହିଁ। ସ୍ଥଳଭାଗ ଛୁଇବ ନାହିଁ, କିନ୍ତୁ ଦିଗ ଭାଙ୍ଗି ସମୁଦ୍ର ଉପରେ ଚାଲିଯିବ ବାତ୍ୟା। ତେବେ ବାତ୍ୟା ପ୍ରଭାବରେ ରାଜ୍ୟର ବିଭିନ୍ନ ଜିଲାରେ ପବନ ସାଙ୍ଗକୁ ପ୍ରବଳ ବର୍ଷା ସମ୍ଭାବନା ରହିଛି। ଓଡ଼ିଶା ଉପରେ ବାତ୍ୟା ବିପଦ ଟଳିଯାଇଥିଲେ ମଧ୍ୟ ପ୍ରାକୃତିକ ବିପର୍ଯ୍ୟୟ ସମ୍ପର୍କରେ ଆକଳନ କରାଯାଇଥିବାରୁ ଲୋକେ ସତର୍କ ରହିବା ଉଚିତ। ସମ୍ଭାବ୍ୟ ବାତ୍ୟାର ମୁକାବିଲା ପାଇଁ ସେମାନେ ସର୍ବଦା ପ୍ରସ୍ତୁତ ରହିବାକୁ ପରାମର୍ଶ ଦିଆଯାଇଛି।

ରାଜ୍ୟ ସରକାର ସମ୍ଭାବ୍ୟ ବାତ୍ୟା ସ୍ଥିତି ଉପରେ ତୀକ୍ଷ୍ଣ ନଜର ରଖିଛନ୍ତି । ସବୁ ପ୍ରକାରର ପ୍ରସ୍ତୁତି କରୁଛନ୍ତି। ଜିଲାପାଳମାନଙ୍କ ସହ ନିୟମିତ ଯୋଗାଯୋଗ ରକ୍ଷା କରି ସବୁ ପ୍ରକାରର ପରିସ୍ଥିତିର ମୁକାବିଲା ପାଇଁ ପ୍ରସ୍ତୁତ ରହିବାକୁ ନିର୍ଦେଶ ଦିଆଯାଇଛି। ସମ୍ଭାବ୍ୟ ବାତ୍ୟା ଓ ବର୍ଷାକୁ ଦୃଷ୍ଟିରେ ରଖି ସାଧାରଣ ଲୋକଙ୍କ ସୁବିଧା ନିମନ୍ତେ ଯେଉଁଠି ଯାହା ଆବଶ୍ୟକ ପଡ଼ୁଛି ତାହା କରିବା ପାଇଁ ମଧ୍ୟ ଜିଲାପାଳମାନଙ୍କୁ କୁହାଯାଇଛି।