ବାତ୍ୟା ସ୍ଥଳଭାଗ ନ ଛୁଇଁଲେ ବି ପ୍ରସ୍ତୁତିରେ ଢିଲା କରିନୁ, ପ୍ରଭାବରେ ପବନ ଓ ବର୍ଷା ସମ୍ଭାବନା-ଏସଆରସି

ଭୁବନେଶ୍ବର: ସମ୍ଭାବ୍ୟ ବାତ୍ୟା ନେଇ ସ୍ବତନ୍ତ୍ର ରିଲିଫ କମିଶନର ପ୍ରଦୀପ ଜେନା ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ ଭାରତୀୟ ପାଣିପାଗ ବିଭାଗର ବାତ୍ୟା ଆକଳନ ଆମକୁ ସାମନ୍ୟ ଆଶ୍ବସ୍ତ କରିଛି। ଭାରତୀୟ ପାଣିପାଗ ବିଭାଗ ଆକଳନ ଅନୁସାରେ ବାତ୍ୟା ସ୍ଥଳଭାଗ ଛୁଇଁ ନ ପାରେ। ମେ’ ୧୦ତାରିଖରେ ବାତ୍ୟା ଓଡ଼ିଶାଠାରୁ ୧୫୦/୨୦୦ କିଲୋମିଟର ଦୂରରେ ଥିବ। ଓଡ଼ିଶା ଉପକୂଳରୁ କେତେ ଦୂରରେ ବାତ୍ୟା ଗତି କରିବ ସ୍ପଷ୍ଟ ହେବ। ପବନ ବେଶି ହେବନାହିଁ, କିନ୍ତୁ ମେ’ ୧୦ ଓ ୧୧ରେ ବର୍ଷା ହୋଇପାରେ। ମେ’ ୧୦ରେ ଗଞ୍ଜାମ, ଗଜପତି ଓ ପୁରୀରେ ବର୍ଷା ସମ୍ଭାବନା ରହିଛି। ସେହିପରି ଗଞ୍ଜାମ, ପୁରୀ, ଖୋର୍ଦ୍ଧା, ଜଗତସିଂହପୁର ଓ କଟକରେ ବର୍ଷା ହେବ। ଏହି ସମୟରେ ସମୁଦ୍ର ଅଶାନ୍ତ ରହିବ। ମେ’ ୮ ସକାଳ ପରଠାରୁ କେହି ସମୁଦ୍ରକୁ ଯିବେ ନାହିଁ। ବାତ୍ୟା ସ୍ଥଳଭାଗ ଛୁଇଁବା ସମ୍ଭାବନା କମ ଥିଲେ ବି ଆମେ ପ୍ରସ୍ତୁତିରେ ଢିଲା କରିନାହଁୁ। ସାଢ଼େ ୬ଲକ୍ଷ ଲୋକ ରହିବା ଭଳି ବାତ୍ୟା ଆଶ୍ରୟସ୍ଥଳୀ ପ୍ରସ୍ତୁତ ରହିଛି। ଆବାଶ୍ୟକ ପଡ଼ିଲେ ଜିଲାପାଳମାନେ ଏ ନେଇ ନିଷ୍ପତ୍ତି ନେଇପାରିବେ। ଭାରତୀୟ ପାଣିପାଗ ବିଭାଗ ଆକଳନ ଆଶ୍ବସ୍ତ କରିଥିଲେ ବି ପ୍ରସ୍ତୁତିରେ ଢିଲା ଦେଇନାହିଁୁ ବୋଲି ସ୍ବତନ୍ତ୍ର ରିଲିଫ କମିଶନର ପ୍ରଦୀପ ଜେନା ପ୍ରକାଶ କରିଛନ୍ତି।