ସୋରଡ଼ା: ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ସଁପଲ୍ଲୀ ଗ୍ରାମରେ ଶୁକ୍ରବାର ଘଟିଛି ଏକ ଅଭାବନୀୟ ଘଟଣା। ବଜ୍ରାଘାତରେ ଜଣଙ୍କ ମୃତ୍ୟୁ ଘଟିଥିବା ବେଳେ ଦୁଇ ଜଣ ଗୁରୁତର ଭାବେ ଆହତ ହୋଇଛନ୍ତି। ମୃତକ ଜଣକ ହେଲେ ସିଙ୍ଗିପୁର ଗ୍ରାମର ଶିବ ରଞ୍ଜନ ସେଠୀ ଏବଂ ଆହତ ଦୁଇ ଜଣ ହେଉଛନ୍ତି କ୍ଷେତ୍ର ନାୟକ ଓ ସଞ୍ଜୟ ବେହେରା।
ସୂଚନା ମୁତାବକ, ଅପରାହ୍ନ ସମୟରେ ହଠାତ ବର୍ଷା ପଵନ ଆସିବା ଯୋଗୁଁ ୫୯ ନଂ ଜାତୀୟ ରାଜପଥ ସଁପଲ୍ଲୀ ନିକଟରେ ଦୁଇଟି ବାଇକରେ ଆସୁଥିବା ତିନି ଜଣ ବ୍ୟକ୍ତି ରାସ୍ତା କଡ଼ ଏକ ଗଛ ମୂଳରେ ଆଶ୍ରୟ ନେଇଥିଲେ। ଏହି ସମୟରେ ଵଜ୍ରାଘାତ ହେବା ଫଳରେ ଘଟଣା ସ୍ଥଳରେ ହିଁ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇ ଜଣ ଗୁରୁତର ଆହତ ହୋଇଥିଲେ। ଖବର ପାଇ ଅଗ୍ନିଶମ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ୩ ଜଣଙ୍କୁ ସୋରଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତିି। ଡାକ୍ତର ସେଠାରେ ଶିବ ରଞ୍ଜନଙ୍କୁ ମୃତ ଘୋଷଣା କରିଥିବା ବେଳେ କ୍ଷେତ୍ର ଓ ସଞ୍ଜୟଙ୍କ ଚିକିତ୍ସା ଚାଲିଛି।
Comments are closed.