କଣ୍ଟାବାଞ୍ଜି: କଣ୍ଟାବାଞ୍ଜି ହରିଭବନ ଠାରେ ପ୍ରେସ କ୍ଲବ ପକ୍ଷରୁ ନିଶୁଳ୍କ ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ କଣ୍ଟାବାଞ୍ଜି ଏନଏସି ଅଧ୍ୟକ୍ଷ ବରିୟାମ ସିଂ ସାଲୁଜା ଯୋଗ ଦେଇ ଶିବିରକୁ ଉଦଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଶିଶୁ ରୋଗ ବିଶେଷଙ୍କ ଡାକ୍ତର ଜୌତିପ୍ରକାଶ ରାମ, ପ୍ରେସ କ୍ଲବ ସଭାପତି ପ୍ରଭଜିତ ସିଂ ସାଲୁଜା, କାର୍ଯ୍ୟକାରି ସଭାପତି ସୁରଦାସ ବାଗ, ସମ୍ପାଦକ ସୁବ୍ରତ ମହାକୁଡ, ଏସ.ସି.ଡି ଚକ୍ଷୁ ଚିକିତ୍ସାଳୟ ଟିଟିଲାଗଡ ଟେକନିସିଆନ ପ୍ରାଣରଞ୍ଜନ ସାଗର ପ୍ରମୁଖ ମଞ୍ଚାସୀନ ଥିଲେ। କଣ୍ଟାବାଞ୍ଜି ତଥା ଆଖପାଖ ଗାଁରୁ ପ୍ରାୟ ୨୯୦ ରୁ ଅଧିକ ଲୋକ ଚିକିତ୍ସିତ ହୋଇଥିବା ବେଳେ ପାଖପାଖି ୧୧୫ ରୋଗୀ ମୋତିଆ ବିନ୍ଦୁ ଅସ୍ତ୍ରୋପ୍ରଚାର ପାଇଁ ଚିହ୍ନଟ ହୋଇଥିଲେ। ମୋତିଆ ବିନ୍ଦୁ ଅସ୍ତ୍ରୋପ୍ରଚାର ଚିହ୍ନଟ ରୋଗୀଙ୍କୁ ଏସ.ସି.ଡି ଚକ୍ଷୁ ଚିକିତ୍ସାଳୟ ଟିଟିଲାଗଡରେ ନ୍ନିଶୁଳ୍କ ଅସ୍ତ୍ରୋପ୍ରଚାର କରାଯିବ। ପ୍ରେସ କ୍ଲବର ଏଭଳି ସମାଜସେବା କାମ ଏବଂ ବିଶେଷ କରି ଚକ୍ଷୁ ଚିକିତ୍ସା ଶିବିର ପାଇଁ ଏନଏସି ଅଧ୍ୟକ୍ଷ ଧନ୍ୟବାଦ ଜଣାଇଥିଲେ। ଆଗକୁ ଏଭଲି କାମ ଜାରି ରହୁ ବୋଲି ଶୁଭେଚ୍ଛା ମଧ୍ୟ ଦେଇଥିଲେ। ଏହି ଶିବିରକୁ ସଫଳ କରିବାକୁ ବିଶେଷ ସହଯୋଗ ଭାବେ ଉପସଭାପତି ମନୋଜ ଶର୍ମା, ପରାମର୍ଶଦାତା ଆନନ୍ଦ ମୋଟେ, ଦୂର୍ଗାପ୍ରସାଦ ଗୁପ୍ତା, ବିକାଶ ମିତ୍ତଲ, ସଦସ୍ୟ ଯୁଗଲ କିଶୋର ଶବର, ରୋହନ ମହତ, ବିସିକେଶନ ମାଝୀ, ଏସ.ସି.ଡି ଚକ୍ଷୁ ଚିକିତ୍ସାଳୟ ଟିଟିଲାଗଡର ସୁଶୀଲ କୁମାର ନାଗ , ରଶମୂତ ତାଣ୍ଡି, ନର୍ସ ସୁରତି ହରପାଳ, କରଣ କୁମାର ଭୋଇ ବଲଦେବ ମେହେର ପ୍ରମୁଖ ଉପସ୍ଥିତ ଥିଲେ।
Comments are closed.