ମୁଖିଗୁଡ଼ା : ପିଇଓଙ୍କ ଦାୟିତ୍ୱହୀନତାରୁ ହିତାଧିକାରୀ ଖାଦ୍ୟ ସୁରକ୍ଷା ଯୋଜନାରୁ ବାଦ୍ ପଡ଼ିଥିବା ନେଇ ବାଣ୍ଡିଗାଁ ପଞ୍ଚାୟତ ବାସୀ ବୁଧବାର କଳାହାଣ୍ଡି ଅତିରିକ୍ତ ଜିଲ୍ଳାପାଳଙ୍କ ନିକଟରେ ଅଭିଯୋଗ କରିଛନ୍ତି। ଅଭିଯୋଗରୁ ପ୍ରକାଶ ଯେ ଜୟପାଟଣା ବ୍ଳକ ଅନ୍ତର୍ଗତ ବାଣ୍ଡିଗାଁ ଗ୍ରାମ ପଞ୍ଚାୟତର କାର୍ଯ୍ୟରତ କାର୍ଯ୍ୟ ନିର୍ବାହୀ ଅଧିକାରୀ ନାଗାର୍ଜୁନ ବାଗ ଖାଦ୍ୟ ସୁରକ୍ଷା ଯୋଜନା ସମ୍ପର୍କୀତ ଦରଖାସ୍ତ ନିର୍ଦ୍ଧାରିତ ସମୟ ମଧ୍ୟରେ ବ୍ଳକ୍ କାର୍ଯ୍ୟାଳୟକୁ ନପଠାଇ ଘରେ ରଖି ଦେଇଥିବା ଯୋଗୁଁ ୫୦ ରୁ ଅଧିକା ହିତାଧିକାରୀ ଖାଦ୍ୟ ସୁରକ୍ଷା ଯୋଜନାରୁ ବାଦ୍ ପଡ଼ିଛନ୍ତି। ଏନେଇ ଜୟପାଟଣା ବ୍ଳକ୍ କାର୍ଯ୍ୟାଳୟରେ ଅଭିଯୋଗ କରିବା ସହ ଅତିରିକ୍ତ ଜିଲ୍ଳାପାଳଙ୍କ ଠାରେ ଅଭିଯୋଗ କରିଥିବା ଜଣାଯାଇଛି। ଦରଖାସ୍ତ ଗ୍ରହଣ ଅନ୍ତିମ ତାରିଖ ସେପ୍ଟେମ୍ବର ୩ ପର୍ଯ୍ୟନ୍ତ ରହିଥିବା ବେଳେ ପି.ଇ.ଓ. ଗତ ମଙ୍ଗଳବାର ଦିନ ବାଣ୍ଡିଗାଁ ପଞ୍ଚାୟତ ୨୩୫ଟି ଦରଖାସ୍ତ ଯୋଗାଣ ନିରୀକ୍ଷକଙ୍କୁ ଦେଇଥିଲେ। ଫଳରେ ୫୦ରୁ ଅଧିକ ହିତାଧିକାରୀ ଖାଦ୍ୟ ସୁରକ୍ଷା ଯୋଜନାରୁ ବାଦ୍ ପଡ଼ିଥିବା ଅଭିଯୋଗ ଆଣିଛନ୍ତି।
Popular Categories
Previous article
Next article