ନୂଆଦିଲ୍ଲୀ: ଆଜି ସଡ଼କ, ପରିବହନ ଓ ରାଜପଥ ମନ୍ତ୍ରୀ ନୀତିନ ଗଡ଼କରୀ ସଂସଦକୁ ଏକ ପ୍ରଦୂଷଣମୁକ୍ତ ହାଇଡ୍ରୋଜେନ ଚାଳିତ
କାରରେ ଆସିଥିଲେ। ଏହି କାର୍ର ନାମ ‘ମିରାଇ’। ଜାପାନୀ ଭାଷାରେ ଏହାର ଅର୍ଥ ହେଉଛି ‘ଭବିଷ୍ୟତ’। ଏ ସମ୍ପର୍କରେ ଶ୍ରୀ ଗଡ଼କରୀ କହିଛନ୍ତି ଜଳରୁ ପ୍ରସ୍ତୁତ କରାଯାଇ ପାରୁଥିବା ପ୍ରଦୂଷଣମୁକ୍ତ ହାଇଡ୍ରୋଜେନ୍ ଦେଶକୁ ଆତ୍ମନିର୍ଭରଶୀଳ କରିବା ପାଇଁ ଉପଯୋଗୀ ହେବ।
ସେ କହିଛନ୍ତି ଏହି କାର୍ ଏକ ମୁଖ୍ୟ ପ୍ରକଳ୍ପ ହୋଇଛି। ମନ୍ତ୍ରୀ କହିଛନ୍ତି ବର୍ତ୍ତମାନ ଦେଶରେ ପ୍ରଦୂଷଣମୁକ୍ତ ହାଇଡ୍ରୋଜେନର ଉତ୍ପାଦନ ଆରମ୍ଭ ହୋଇଛି ଓ ଧୀରେଧୀରେ ଏହାର ଆମଦାନୀ ହ୍ରାସ କରାଯିବ। କେନ୍ଦ୍ର ସରକାର ୩ ହଜାର କୋଟି ଟଙ୍କା ସମ୍ବଳିତ ମିଶନକୁ ଆରମ୍ଭ କରିଛନ୍ତି ଓ ଖୁବ୍ଶୀଘ୍ର ଭାରତ ହାଇଡ୍ରୋଜେନ ରପ୍ତାନୀ କରିବ ବୋଲି ସେ କହିଛନ୍ତି।
