ଲଖିମପୁର ଖେରି ମାମଲା, ୧୫ରେ ଶୁଣାଣି

ଉତ୍ତରପ୍ରଦେଶ: ଲଖିମପୁର ଖେରି ମାମଲା । ମାର୍ଚ୍ଚ ୧୫ରେ ଶୁଣାଣି କରିବେ ସର୍ବୋଚ୍ଚ ନ୍ୟାୟାଳୟ । କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ରଙ୍କ ଜାମିନ ଆବେଦନ ନେଇ ମାର୍ଚ୍ଚ ୧୫ରେ ଶୁଣାଣି ହେବ । ଏହି ଘଯଣାକୁ ନେଇ ଆବେଦନକାରୀଙ୍କ ଓକିଲ ପ୍ରଶାନ୍ତ ଭୂଷଣ ପ୍ରତିକ୍ରିୟା ରଖିଛନ୍ତି । ପ୍ରଶାନ୍ତ କହିଛନ୍ତି ଗତଥର ସୁପ୍ରିମକୋର୍ଟ କହିଥିଲେ ମାର୍ଚ୍ଚ ୧୧ ରେ ଏହା ଶୁଣାଣି ହେବ, କିନ୍ତୁ ଆଜି ଯାଏ ମାମଲା ତାଲିକାଭୁକ୍ତ ହୋଇନାହିଁ । ତେଣୁ ଏହି ମାମଲାର ଶୀଘ୍ର ଶୁଣାଣି କରିବାକୁ ସେ କହିଛନ୍ତି ।

ଲଖିମପୁର ଖେରି ମାମଲାରେ ୪ ଜଣ ଚାଷୀଙ୍କ ମୃତ୍ୟୁ ଘଟଣାରେ ଆଲ୍ଲାହାବାଦ ହାଇକୋର୍ଟରୁ ଆଶିଷ ମିଶ୍ରଙ୍କୁ ଦିଆଯାଇଥିବା ଜାମିନ ବିରୋଧରେ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଥିଲା । ଗତ ବର୍ଷ କୃଷି ଆଇନ ବିରୋଧରେ କୃଷକଙ୍କ ବିରୋଧ ସମୟରେ ଚାରିଜଣ ଚାଷୀଙ୍କ ସମେତ ଆଠ ଜଣଙ୍କ ମୃତ୍ୟୁ ଘଟିଥିଲା। ଏହି ମାମଲାରେ ମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷଙ୍କୁ ମୁଖ୍ୟ ଅଭିଯୁକ୍ତ ଭାବେ ଗିରଫ କରାଯାଇଥିଲା।