ପାଟଣା : ରାଷ୍ଟ୍ରୀୟ କୃଷି ଏବଂ ଗ୍ରାମ୍ୟ ଉନ୍ନୟନ ବ୍ୟାଙ୍କ(ନାବାର୍ଡ) ତରଫରୁ ଆର୍ଥିକ ବର୍ଷ ୨୦୨୧-୨୨ର ଦ୍ଵିତୀୟ ଦଫା ସ୍ବଚ୍ଛତା ଏବଂ ସାକ୍ଷରତା ଅଭିଯାନ ଘଟଗାଁ ବ୍ଲକର ବଡଜିଉଳି ଠାରେ ଅନୁଷ୍ଠିତ ହୋିଯାଇଛି । ନାବାର୍ଡର ନୋଡାଲ ଏଜେନ୍ସି ଏସ୍ ଜି ଫାଉଣ୍ଡେସନ ଦ୍ଵାରା ଆୟୋଜିତ କାର୍ଯ୍ୟକ୍ରମରେ ନାବାର୍ଡର ଡିଡିଏମ ଦୀପ୍ତିକାନ୍ତ ମଲ୍ଲିକ ଉପସ୍ଥିତ ରହି ସ୍ବଚ୍ଛତା ଏବଂ ସାକ୍ଷରତା ଅଭିଯାନ ସମ୍ପର୍କରେ ବିଶଦ ଆଲୋଚନା କରିଥିଲେ ଏବଂ ସ୍ବଚ୍ଛତା ଓ ସାକ୍ଷରତାର ଭଲ ଗୁଣ ଗୁଡିକ ବିଷୟରେ ପୁଙ୍ଖାନୁପୁଙ୍ଖ ବୁଝାଇ ଥିଲେ। ଖୋଲା ପଡିଆରେ ଶୌଚ ଗଲେ ମାଟି, ପାଣି, ପବନ, କୃଷି କ୍ଷେତ୍ର ଓ ପରିବେଶ ଦୂଷିତ ହୋଇଥାଏ। ଏହାଦ୍ବାରା ରୋଗ, ମହାମାରୀ ବ୍ୟାପିଥାଏ, ଅକାଳରେ ଲୋକମାନେ ମୃତ୍ୟୁ ବରଣ କରିଥାନ୍ତି । ନୂତନ ପାଇଖାନା ନିର୍ମାଣ, ମରାମତି ଓ ସ୍ନାନାଗାର ନିର୍ମାଣ କରି ତାହାର ବ୍ୟବହାର ପାଇଁ ସରକାରଙ୍କ ତରଫରୁ ସହାୟତା ଯୋଗାଇ ଦେବା ପାଇଁ ବ୍ୟବସ୍ଥା ଅଛି । ଅଧିକ ଅର୍ଥ ଆବଶ୍ୟକ ହେଲେ ଏସ୍ ଏଚ୍ ଜି, ସିବିସି,ଆର ଆର ବି ଏନ୍ ଏଫ୍ ସି, ଠାରୁ ଅଳ୍ପ ସୁଧରେ ରୁଣ ନେଇ ପାଇଖାନା ଓ ସ୍ନାନାଗାର ନିର୍ମାଣ କରି ତାର ବ୍ୟବହାର କଲେ ରୋଗମୁକ୍ତ ହେବା ସହିତ ପରିବେଶ ମଧ୍ୟ ସ୍ବଚ୍ଛ ରହିବ। ଏହାଦ୍ବାରା ଆମେ ମାନେ ଜାତୀୟ ବିକାଶର ମୁଖ୍ୟ ଧାରାରେ ସାମିଲ ହେବା ସହିତ ରାଜ୍ୟ ଓ ଦେଶକୁ ପ୍ରଗତି ପଥରେ ଆଗେଇ ନେଇ ପାରିବା ବୋଲି ଅଭିଯାନରେ ମତ ପ୍ରକାଶ ପାଇଥିଲା।
Popular Categories
Previous article
Next article