ଦିମାପୁର: ନାଗାଲାଣ୍ଡର ମନ ଜିଲାରେ ଆସାମ ରାଇଫଲ୍ସ ଯବାନଙ୍କ ଆଖିବୁଜା ଗୁଳିମାଡରେ ୧୨ ଜଣ ସାଧାରଣ ନାଗରିକଙ୍କ ମୃତ୍ୟୁ ଘଟିଛି । ଏଥିରେ ଆଉ ଅନେକ ଲୋକ ଆହତ ହୋଇଥିବାରୁ ମୃତ୍ୟୁସଂଖ୍ୟା ବୃଦ୍ଧିପାଇବା କୁହାଯାଉଛି । ରାଜ୍ୟ ମୁଖ୍ୟମନ୍ତ୍ରୀ ନିଫିୟୁ ରିଓ ଘଟଣାର ଉଚ୍ଚସ୍ତରୀୟ ତଦନ୍ତାଦେଶ ଦେବା ସହିତ ଜନସାଧାରଣ ଶାନ୍ତି ବଜାୟ ରଖିବାକୁ ନିବେଦନ କରିଛନ୍ତି । ଜଣାଯାଇଛି ଏହି ଏହି ଲୋକମାନେ ନିଜ ଘରକୁ ଫେରୁଥିବା ସମୟରେ ଆସାମ ରାଇଫଲ୍ସ ଯବାନମାନେ ସେମାନଙ୍କୁ ଉଗ୍ରବାଦୀ ଭାବି ଗୁଳି ଚଳାଇବା ଆରମ୍ଭ କରିଦେଇଥିଳେ । ମନ୍ ଜିଲାର ଓଟିଙ୍ଗ ଠାରେ ଏହି ଘଟଣା ଘଟିଛି । ଗୁଳିଚାଳନା ସ୍ଥଳରୁ ୧୨ ଜଣଙ୍କ ମୃତଦେହ ଉଦ୍ଧାର କରାଯାଇଛି । ମୁଖ୍ୟମନ୍ତ୍ରୀ ନିଫିୟୁ ଏହି ଘଟଣାକୁ ଅତ୍ୟନ୍ତ ଦୁର୍ଭାଗ୍ୟଜନକ ବୋଲି କହିବା ସହିତ ଏ ସମ୍ପର୍କରେ ସ୍ୱତନ୍ତ୍ର ଦଳ ଦ୍ୱାରା ତଦନ୍ତାଦେଶ ଦେଇଛନ୍ତି । ଘଟଣା ଘଟିବା ପରେ ଉତ୍ତ୍ୟକ୍ତ ଗ୍ରାମବାସୀ ସୁରକ୍ଷା ବାହିନୀର ଏକାଧିକ ଗାଡିରେ ନିଆଁ ଲଗାଇ ସେଗୁଡିକୁ ଜାଳି ଦେଇଥିଲେ । ସଂପ୍ରତି ସେଠାରେ ତୀବ୍ର ଉତ୍ତେଜନା ଲାଗି ରହିଛି ।
ଆସାମ ରାଇଫଲ୍ସ ଯବାନଙ୍କ ଆଖିବୁଜା ଗୁଳିଚାଳନା; ୧୨ ସାଧାରଣ ନାଗରିକ ମୃତ, ଉତ୍ତ୍ୟକ୍ତ ଲୋକେ ସୁରକ୍ଷା ବାହିନୀର ଏକାଧିକ ଗାଡି ଜାଳିଦେଲେ
Popular Categories
Previous article
Next article