କେୱାଡିଆ: ଦେଶର ପ୍ରଗତି ପଥରେ ଦୁର୍ନୀତି ସବୁଠାରୁ ବଡ ପ୍ରତିବନ୍ଧକ । ଭାରତରେ ପୂର୍ବରୁ କ୍ଷମତାସୀନ ହୋଇଥିବା ସରକାରମାନେ ଦୁର୍ନୀତିକୁ ରୋକିବାରେ ସଫଳ ହୋଇପାରିନଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି । ଗୁଜରାଟର କେୱାଡିଆଠାରେ କେନ୍ଦ୍ରୀୟ ଦୁର୍ନୀତି ନିବାରଣ ଆୟୋଗ (ସିଭିସି) ଏବଂ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆି)ର ମିଳିତ ସମ୍ମିଳନୀକୁ ଭର୍ଚୁଆଲ ପଦ୍ଧତିରେ ସମ୍ବୋଧିତ କରି ପ୍ରଧାନମନ୍ତ୍ରୀ କହିଥିଲେ, ଗତ ୬ରୁ ୭ ବର୍ଷ ମଧ୍ୟରେ କଠିନ ପରିଶ୍ରମ ଦ୍ୱାରା ତାଙ୍କ ସରକାର ଲୋକଙ୍କ ମଧ୍ୟରେ ଏହି ବିଶ୍ୱାସଭାବ ସୃଷ୍ଟି କରିପାରିଛନ୍ତି ଯେ ଦୁର୍ନୀତି ବିରୋଧରେ ଲଢେଇ କରିବା ସମ୍ଭବ ଏବଂ ଏହା କରାଗଲେ ସାଧାରଣ ଜନତା ବିବିଧ ସରକାରୀ ଯୋଜନାର ସୁଫଳ ପାଇପାରିବେ ।
ପ୍ରଧାନମନ୍ତ୍ରୀ ନିଜ ଅଭିଭାଷଣରେ ଏହା ମଧ୍ୟ କହିଥିଲେ ଯେ ବିଶ୍ୱର କୌଣସି ସ୍ଥାନରେ ଯେକୌଣସି ରାଷ୍ଟ୍ର ଏବଂ ଉକ୍ତ ରାଷ୍ଟ୍ରର ନାଗରିକଙ୍କ ବିରୁଦ୍ଧରେ ଅପରାଧ କରୁଥିବା ଲୋକଙ୍କୁ ସୁରକ୍ଷା ଦିଆଯିବା ଅନୁଚିତ । ପ୍ରଧାନମନ୍ତ୍ରୀ କହିଥିଲେ, ଦୁର୍ନୀତି ଛୋଟ ହେଉ କି ବଡ, ତାହା ସାଧାରଣ ଲୋକଙ୍କ ଅଧିକାର ଛଡାଇ ନେଇଥାଏ । ଏହା ଦେଶର ପ୍ରଗତିରେ ବାଧକ ହୋଇଥାଏ ଏବଂ ଆମର ସାମଗ୍ରିକ ଶକ୍ତି ଉପରେ ନକରାତ୍ମକ ପ୍ରଭାବ ପକାଏ ।
ଦେଶର ପ୍ରଗତିରେ ଦୁର୍ନୀତି ପ୍ରତିବନ୍ଧକ- ପ୍ରଧାନମନ୍ତ୍ରୀ
Popular Categories
Previous article
Next article