ସୁଆଣ୍ଡୋ : ପୁରୀ ଜିଲାର ବୈଷ୍ଣବ କ୍ଷେତ୍ର ଭାବେ ପରିଚିତ ଚାରୁ ରତ୍ନଚିରା ତଟ ବକୁଳବନ ସନ୍ନିକଟରେ ଥିବା ସାକ୍ଷୀଗୋପାଳ ମନ୍ଦିରରେ ସତ୍ୟବାଦୀ ସାକ୍ଷୀ ଗୋପୀନାଥଦେବଙ୍କୁ ସୁନିଆଁ ଭେଟି ଅର୍ପଣ କରାଯାଇଛି । ଏହି ଅବସରରେ ଠାକୁରଙ୍କ ଦୈନିକ ନୀତିକାନ୍ତି ଶେଷ ହେବା ପରେ ଅପରାହ୍ନରେ ମନ୍ଦିର ସିଂହଦ୍ଵାରକୁ ପୂର୍ଣ୍ଣକୁମ୍ଭ କଦଳୀ ଗଛ ଆମ୍ବଡାଳ ଫୁଲରେ ସାଜସଜ୍ଜା କରାଯାଇଥିଲା । ମହାପ୍ରଭୁ ଙ୍କ ସନ୍ଧ୍ୟା ଆଳତି ଗୋଧନ ବାହୁଡା ଭୋଗ ସରିବାପରେ ଠାକୁର ପାଟ ପିତାମ୍ବରୀ ପିନ୍ଧି ସୁବର୍ଣ୍ଣ କିରିଟି ସୁବର୍ଣ୍ଣ ବଂଶୀ କାନରେ କୁଣ୍ଡଳ ଚାପସରି ନୁଡୁକ ବେଙ୍ଗପାତିଆ ବାଙ୍କି ନୁପୁର ଆଦି ଅଳଙ୍କାର ପିନ୍ଧି ଫୁଲ ତୁଳସୀ ମାଳ ପକାଇ ରାଜବେଶ ହୋଇଥିଲେ । ଏହି ପରିପ୍ରେକ୍ଷୀରେ ପାରମ୍ପରିକ ପ୍ରଥା ଅନୁସାରେ ଗୋପାଳପୁର ପାଟଣା ମହାଜନ ମାନେ ଘଣ୍ଟ ବଜାଇ ମସାଲ ଜଳାଇ ସର, ଲବଣି, ଖୁଆ, ଫୁଲ ତୁଳସୀ ଆଦି ଆଣି ଠାକୁରଙ୍କ ନିକଟରେ ଭେଟି ଦେଇଥିଲେ । ଠାକୁରଙ୍କ ପ୍ରଜା ତଥା ଭକ୍ତମାନେ ଭେଟି ଦେଇ ଥିଲେ ।
ସେବାୟତମାନେ ପରମ୍ପରା ଅନୁସାରେ ପନିକି କୋରଣା କଟୁରି ପିଢା ଦୀପରୁଖା ଆଦି ନିତ୍ୟ ବ୍ୟବହାର୍ଯ୍ୟ ଜିନିଷ ମାନ ଦେଇଥିଲେ ।
Comments are closed.