ବେଗୁନିଆ : ବେଗୁନିଆ ବ୍ଲକ ସିମୋର ପଞ୍ଚାୟତ ଅନ୍ତର୍ଗତ ସିମୋର ଠାରେ ଖୋର୍ଦ୍ଧା ଜିଲ୍ଲା ବିଜେପି ସଭାପତି ରଶ୍ମିରଞ୍ଜନ ମହାପାତ୍ର ଏବଂ କର୍ମକର୍ତ୍ତା ମାନଙ୍କ ଉପସ୍ଥିତିରେ ବିଜେପି ଜିଲ୍ଲା ଆର ଟି ଆଇ କାର୍ୟ୍ୟାଳୟ ଉଦଘାଟିତ ହେବା ସହିତ କୋଲୁହାପାଟଣା ଗ୍ରାମରେ ଆଗାମୀ ପଞ୍ଚାୟତ ନିର୍ବାଚନ ପୂର୍ବରୁ କଣ କଣ ପଦକ୍ଷେପ ଗ୍ରହଣ କରାଯିବ ସେଥିପାଇଁ ଜିଲ୍ଲା ସଭାପତି ଶ୍ରୀ ମହାପାତ୍ରଙ୍କ ନେତୃତ୍ୱରେ ଏକ ସାଧାରଣ ସଭାର ଆୟୋଜନ ହୋଇଥିଲା । ଏହି ଅବସରରେ ଜିଲ୍ଲା ଆର ଟି ଆଇ ସେଲର ଅଧ୍ୟକ୍ଷ ଗୌରଚରଣ ପ୍ରହରାଜ ,ରାଜ୍ୟ କୃଷକ ମୋର୍ଚାର କୋଷାଧ୍ୟକ୍ଷ ବିଶ୍ୱଜିତ ସ୍ୱାଇଁ, ଜିଲ୍ଲା ସାଧାରଣ ସମ୍ପାଦକ ପ୍ରତାପ ମହାପାତ୍ର ,ଜିଲ୍ଲା କାର୍ୟ୍ୟକାରିଣୀ ସଦସ୍ୟ ଚନ୍ଦ୍ରଶେଖର ରାଉତରାୟ ,ବୋଲଗଡ଼ ମଣ୍ଡଳ ପ୍ରଭାରୀ ସୁବାଷ ମିଶ୍ର ଏବଂ ଉତ୍ତର ବେଗୁନିଆ ମଣ୍ଡଳ ସଭାପତି ହରିହର ମହାରଣା ପ୍ରମୁଖ ଯୋଗ ଦେଇଥିବାବେଳେ ଲୋକମାନେ ସୂଚନା ଅଧିକାର ଆଇନ ଅନୁସାରେ କିପରି ଉପଯୁକ୍ତ ତଥ୍ୟ ପାଇପାରିବେ ସେଥିପାଇଁ ପ୍ରତି ପଞ୍ଚାୟତ ସ୍ତରରେ ଗୋଟିଏ ଲେଖାଏଁ ଆର ଟି ଆଇ ସେଲ ଖୋଲାଯିବ ବୋଲି ଖୋର୍ଦ୍ଧା ଜିଲ୍ଲା ସୂଚନା ଅଧିକାରୀ ସଂଯୋଜକ ଶ୍ରୀ ପ୍ରହରାଜ କହିଥିଲେ । ଏହାପରେ ବଡବେରେଣା ପଞ୍ଚାୟତ ଅନ୍ତର୍ଗତ କୋଲୁହାପାଟଣା ଗ୍ରାମରେ ଉତ୍ତରବେଗୁନିଆ ମଣ୍ଡଳ କାର୍ୟ୍ୟକାରିଣୀର ଏକ ବୈଠକ ଅନୁଷ୍ଠିତ ହୋଇଥିଲା । ଆଗାମୀ ପଞ୍ଚାୟତ ନିର୍ବାଚନକୁ ଆଖି ଆଗରେ ରଖି କର୍ମୀମାନେ କିପରି ବୁଥ ସ୍ତରରୁ ସଂଗଠିତ ହୋଇ କାର୍ୟ୍ୟ କରିବା ସହିତ ପଞ୍ଚାୟତ ନିର୍ବାଚନରେ ଦଳ କିପରି ସଂଖ୍ୟା ଗରିଷ୍ଠତା ହାସଲ କରିବ ଏବଂ ସେ ଦିଗରେ କଣ ରଣକୌଶଳ ଅଵଲମ୍ବନ କରାଯିବ ସେଥିପାଇଁ ଜିଲ୍ଲା ସଭାପତି ଶ୍ରୀ ମହାପାତ୍ର ମାର୍ଗଦର୍ଶନ ଦେଇଥିଲେ ।କୃଷକ ମାନଙ୍କ ପାଇଁ ପ୍ରଧାନମନ୍ତ୍ରୀ ପ୍ରଣୟନ କରିଥିବା କୃଷି ଯୋଜନା ଦ୍ୱାରା ଚାଷୀମାନେ କିପରି ଉପକୃତ ହୋଇପାରିବେ ରାଜ୍ୟ କୃଷକ ମୋର୍ଚ୍ଚା କୋଷାଧ୍ୟକ୍ଷ ବିଶ୍ୱଜିତ ସ୍ୱାଇଁ ସେ ଦିଗରେ ମତବ୍ୟକ୍ତ କରିଥିଲେ ।
Comments are closed.