କଟକ: ପୂର୍ବତନ ସିବିଆଇ ନିର୍ଦ୍ଦେଶକ ଉମାଶଙ୍କର ମିଶ୍ରଙ୍କ ବିୟୋଗରେ ରାଜ୍ୟ ଆଇପିଏସ୍ ସଂଘର ସଭ୍ୟସଭ୍ୟାମାନେ ଗଭୀର ମର୍ମାହତ ହୋଇଛନ୍ତି। ଆଜି ଅପରାହ୍ନରେ ରାଜ୍ୟ ପୋଲିସ ମୁଖ୍ୟାଳୟ, କଟକ ଠାରେ ପୋଲିସ ଡିଜି ଶ୍ରୀ ଅଭୟଙ୍କ ଅଧ୍ୟକ୍ଷତାରେ ଏକ ଶୋକସଭା ଅନୁଷ୍ଠିତ ହୋଇ ସ୍ୱର୍ଗତଃ ମିଶ୍ରଙ୍କ ସ୍ମୃତିଚାରଣ କରାଯାଇଥିଲା। ଏହି ଅବସରରେ ସ୍ୱର୍ଗତଃ ମିଶ୍ରଙ୍କ ଫଟୋ ଚିତ୍ରରେ ପୁଷ୍ପାର୍ଘ ଅର୍ପଣ କରାଯିବା ସହ ତାଙ୍କ ଅମର ଆତ୍ମାର ସତଗତି ନିମନ୍ତେ ନିରବ ପ୍ରାର୍ଥନା କରାଯାଇଥିଲା। ସଂଘ ତରଫରୁ ସ୍ୱର୍ଗତଃ ମିଶ୍ରଙ୍କ ପରିବାର ବର୍ଗଙ୍କ ପ୍ରତି ଗଭୀର ସମବେଦନା ଜ୍ଞାପନ କରାଯାଇଥିଲା। ପୁରୀ ଜିଲ୍ଲାର ମୁଳ ବାସିନ୍ଦା ସ୍ୱର୍ଗତଃ ମିଶ୍ର ରାଜ୍ୟ ପୋଲିସରେ ବିଭିନ୍ନ ପଦ ପଦ ପଦବୀରେ ଦକ୍ଷତାର ସହ କାର୍ୟ୍ୟ ସଂପାଦନ କରିଥିଲେ।
ଏହି ସଭାରେ ଆଇପିଏସ ଏମ. ଅକ୍ଷୟ, ଅରୁଣ କୁମାର ରାୟ, ପ୍ରାଣବିନ୍ଦୁ ଆଚାର୍ୟ୍ୟ, ବିନୟତୋଷ ମିଶ୍ର, ଆର୍. କେ ଶର୍ମା, ଅମିତାଭ ଠାକୁର, ଏସ. ଦେବଦତ୍ତ ସିଂ, ୟତିନ୍ଦ୍ର କୋଏଲ, ଏସ୍. ପ୍ରବୀଣ କୁମାରଙ୍କ ସମେତ ବହୁ ବରିଷ୍ଠ ପୋଲିସ ଅଧିକାରୀ ମାନେ ଉପସ୍ଥିତ ଥିଲେ।
