ଇଟାବା : ଉତ୍ତରପ୍ରଦେଶର ଇଟାବା ଜିଲାରେ ଗୁରୁବାର ବିଳମ୍ବିତ ରାତିରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଉତ୍ତରପ୍ରଦେଶ ସଡକ ପରିବହନ ବସର ଟ୍ରକ ସହ ଧକ୍କା ହୋଇ ଦୁର୍ଘଟଣାରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ୨୫ ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି। ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନା ଅନୁଯାୟୀ, ବକେବର ଥାନା ଅନ୍ତର୍ଗତ ସିକ୍ସଲେନ ଜାତୀୟ ରାଜପଥ ବିଜୋଲୀ ଗାଁ ଠାରୁ ଏକ କିଲୋମିଟର ଦୂର କାନପୁରରୁ ଇଟାବା ମାର୍ଗରେ ଉକ୍ତ ବସର ଟ୍ରକର ଧକ୍କା ହୋଇଥିଲା। ଗୁରୁବାର ରାତି ୧ଟା୩୦ ସମୟରେ ଏହି ଦୁର୍ଘଟଣା ଘଟିଥିଲା। ଟ୍ରକକୁ ଓଭରଟେକ କରିବା ସମୟରେ ବସଟି ଯିବା ବେଳେ ଦୁର୍ଘଟଣା ଘଟିଥିବା ଜଣାପଡିଛି। ଏହାସହ ବସଟି କାନପୁରରୁ ଆଗ୍ରା ଯାଉଥିଲା। ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ପହଞ୍ଚି ମୃତାହତଙ୍କୁ ଉଦ୍ଧାର କରିଥିଲେ। ପୁଲିସ କହିବା ଅନୁଯାୟୀ ବସଟି ଟ୍ରକକୁ ଓଭରଟେକ କରିବା କାରଣରୁ ଏହି ଦୁର୍ଘଟଣା ଘଟିଛି।
Comments are closed.