ବୌଦ୍ଧ : ମହାନଦୀରେ ଭାସିଯାଉଥିବା ଜଣେ ବୃଦ୍ଧାଙ୍କୁ ବୌଦ୍ଧବ୍ଲକ ବହିରା ଗ୍ରାମପଞ୍ଚାୟତ ଅନ୍ତର୍ଗତ ତେନ୍ତୁଳିପାଲି ନିକଟରେ ସ୍ଥାନୀୟ ଗ୍ରାମବାସୀମାନେ ଉଦ୍ଧାର କରିଛନ୍ତି। ମିଳିଥିବା ସୂଚନା ମୁତାବକ ଭାସିଯାଉଥିବା ବୃଦ୍ଧା ଜଣକ ଗୁନ୍ଦୁଳିଆ ଗ୍ରାମର ପାର ନାଏକ(୬୫) ବୋଲି ଜଣାପଡିଛି। ସେ ତେନ୍ତୁଳିପାଲି ଗ୍ରାମର ସଂସାର ନାଏକଙ୍କୁ ବିବାହ କରିଥିବାବେଳେ ସ୍ୱାମୀଙ୍କ ମୃତ୍ୟୁ ପରେ ପୈତୃକ ଗ୍ରାମ ଗୁନ୍ଦୁଳିଆରେ ରହିଆସୁଥିଲେ। ବୁଧବାର ସକାଳୁ ତେନ୍ତୁଳିପାଲି ଗ୍ରାମର ଜମ୍ବେଶ୍ୱର ସେଠୀ ଓ ଦିଲ୍ଲିପ ବେହେରା ମହାନଦୀରେ ଜଣେ ମହିଳା ଭାସି ଯାଉଥିବା ଦେଖି ତାଙ୍କୁ ଉଦ୍ଧାର କରିଥିଲେ। ମହିଳା ଜଣକ ତାଙ୍କରି ଗ୍ରାମର ପାର ନାଏକ ବୋଲି ଜଣାପଡିଥିଲା।
ତେବେ ସେ ମହାନଦୀର ଉପରମୁଣ୍ଡରୁ ଭାସି ଆସିବା ସହ ତେନ୍ତୁଳିପାଲିର ଦୁଇଜଣ ଗ୍ରାମବାସୀଙ୍କ ଉଦ୍ଧାର ହେବା ଘଟଣା ସଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ଅଚେତ ଥିବା ମହିଳାଙ୍କୁ ଆମ୍ବୁଲାନ୍ସ ଯୋଗେ ନିଆଯାଇ ବାଉଁଶୁଣୀ ଚିକିତ୍ସାଳୟରେ ଭର୍ତ୍ତି କରାଯାଇଛି। ତାଙ୍କରି ଚେତା ଫେରିବା ପରେ ଘଟଣା ସଂପର୍କରେ ସ୍ପଷ୍ଟ ହୋଇପାରିବ ବୋଲି ଜଣେ ଗ୍ରାମବାସୀ ସୂଚନା ଦେଇଛନ୍ତି।
