ସାମାଜିକ ଗଣମାଧ୍ୟମରେ ଏକ ଭିଡିଓ ଭାଇରାଲ ହେବାରେ ଲାଗିଛି, ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହେବା ସହ ଖୁସି ହୋଇ କମେଣ୍ଟ ମଧ୍ୟ କରୁଛନ୍ତି। ଏହି ଭିଡିଓର ଏକ ମାଙ୍କଡ଼କୁ ବାସନ ଧୋଉଥିବା ଦେଖିବାକୁ ମିଳିଛି।
ଗୋଟିଏ ଚା’ ଦୋକାନରେ ମାଙ୍କଡ଼ଟି ମଣିଷ ଭଳି ସୁନ୍ଦର ଭାବେ କପ୍ ପ୍ଲେଟ ଧୋଉଛି। ଏହି ଭିଡିଓକୁ ସର୍ବପ୍ରଥମେ ଇନଷ୍ଟାଗ୍ରାମରେ ଜଣେ ବ୍ୟକ୍ତି ଶେୟାର କରି କ୍ୟାପ୍ସନରେ ଲେଖିଥିଲେ, “ସମସ୍ତଙ୍କୁ କଠୋର ପରିଶ୍ରମ କରିବା ଆବଶ୍ୟକ”। ଭିଡିଓରେ ଶାହରୁଖ ଖାନଙ୍କ କଣ୍ଠରେ ବଲିଉଡ଼ ଚଳଚ୍ଚିତ୍ର ‘ରଇସ୍’ର ଏକ ଡାଏଲଗ୍ ଶୁଣିବାକୁ ମିଳିଛି। ଡାଏଲଗଟି ହେଉଛି, “ମାଆ କହେ କୌଣସି କାମ ଛୋଟ ନୁହେଁ ଓ କାମଠୁ ବଡ଼ କୌଣସି ଧର୍ମ ନୁହେଁ”।
ଭିଡିଓ ଆରମ୍ଭରେ ଏକ ଚା’ ଦୋକାନ ଦେଖିବାକୁ ମିିଳିଛି ଓ ସେଠାରେ ଉପସ୍ଥିତ ଥିବା ଲୋକେ କୌତୁହଳପୂର୍ବକ ମାଙ୍କଡ଼ ବାସନ ଧୋଉଥିବାର ଦେଖୁଛନ୍ତି। ମାଙ୍କଡ଼ଟି ଟେବୁଲ ଉପରେ ବସି ଧଳା ପ୍ଲେଟକୁ ପାଣି ଭର୍ତ୍ତି ଥିବା ପାତ୍ରରେ ବୁଡ଼ାଉଛି ଓ ତା’ପରେ ତାକୁ ସଫା କରୁଛି। କେବଳ ଏତିକି ନୁହେଁ ଭିଡିଓର ଶେଷ ଭାଗରେ ଦେଖାଯାଉଛି ଯେ, ପ୍ଲେଟ ଭଲ ଭାବେ ସଫା ହୋଇଛି କି ନାହିଁ ତାହା ଜାଣିବା ପାଇଁ ମାଙ୍କଡ଼ଟି ଧୋଇସାରିବା ପରେ ପ୍ଲେଟକୁ ଶୁଙ୍ଘୁଛି।
ମାଙ୍କଡ଼ର ଏହି ଭାଇରାଲ ଭିଡିଓ ଲୋକଙ୍କ ଚେହେରାରେ ହସ ଫୁଟାଇଛି ଏବଂ ଲୋକେ ଏଥିରେ ମଜାଳିଆ କମେଣ୍ଟ ଦେଇଛନ୍ତି। ଜଣେ ୟୁଜର ଲେଖିଛନ୍ତି, “ମଣିଷଙ୍କୁ ମଧ୍ୟ ଏହି ମାଙ୍କଡ଼ ଭଳି ଦୁଇ ବେଳା ରୁଟି ପାଇଁ କାମ କରିବା ଆବଶ୍ୟକ”। ଅନ୍ୟ ଜଣେ ଲେଖିଛନ୍ତି, “ଚଳିତ ମାସର ଏମ୍ପ୍ଲଇ ଅଫ୍ ଦି ମନ୍ଥ୍ ଏହି କର୍ମଚାରୀ ହେବ”।
