ରେଙ୍ଗାଲି : କରୋନା ସଂକ୍ରମଣରୁ ରକ୍ଷା ପାଇବା ପାଇଁ ଟିକା ନେବା ନିମନ୍ତେ ଗ୍ରାମାଞ୍ଚଳର ଲୋକେ ଅକଥନୀୟ ଦୁର୍ଦ୍ଦଶାର ସମ୍ମୁଖିନ ହେଉଛନ୍ତି। ୧୮ ରୁ ୪୫ ବର୍ଷ ବୟସ୍କଙ୍କ ପାଇଁ କେବଳ ସହରରେ ଟିକା ଦାନର ବ୍ୟବସ୍ଥା ଗ୍ରାମାଞ୍ଚଳ ବାସିନ୍ଦାଙ୍କ ପାଇଁ କାଳ ହୋଇଛି। କରୋନାରୁ ଜୀବନ ବଞ୍ଚାଇବାକୁ ସମ୍ବଲପୁରରୁ ୫୦ କିଲୋମିଟର ଦୂରତାରେ ଥିବା ଲଇଡା ଗ୍ରାମର ୩ଜଣ ସ୍ଲଟ୍ ବୁକିଂରେ ସମ୍ବଲପୁରକୁ ଟିକା ନେବ ପାଇଁ ଗାଡି ଭଡା କରି ଯାଇଥିବା ଭଳି ଘଟଣା ଦେଖିବାକୁ ମିଳିଛି। ୧୮ ରୁ ୪୫ ବର୍ଷ ବୟସ୍କଙ୍କୁ ଟିକା ଦେବାରେ ପ୍ରଶାସନର ସହରାଞ୍ଚଳ ପ୍ରେମ ଗ୍ରାମାଞ୍ଚଳରେ ରହୁଥିବା ଧନୀ ଶ୍ରେଣୀ ଲୋକଙ୍କୁ ସେତେ ଫରକ୍ ପଡୁନାହିଁ। କିନ୍ତୁ ଗରୀବ ଶ୍ରେଣୀର ଲୋକେ ଗାଡି ଭଡା କରି ୫୦ କିଲୋମିଟର ଯିବା କତେ ଦୂର ସମ୍ଭବ ତାହା ବିଚାର ସାପେକ୍ଷ। କରୋନା ଯୋଗୁଁ ସମସ୍ତ ଯାତ୍ରୀବାହୀ ବସ୍ ଚଳାଚଳ ବନ୍ଦ ଥିବା ବେଳେ ଗରିବ ଖଟିଖିଆ ବର୍ଗର ଲୋକେ ସହରକୁ ଯାଇ ଟିକା ନେବା ଅସମ୍ଭବ ହୋଇ ପଡିଛି। ସହରକୁ ଯାଇ ଟିକା ନେବାର ସାମର୍ଥ୍ୟ ନଥିବାରୁ ଗରିବ ଖଟିଖୀଆ ପରିବାର ଭାଗ୍ୟକୁ ଆଦରି ପଡି ରହିଛନ୍ତି। ପ୍ରଶାସନ ତଥା ରାଜ୍ୟ ସରକାର ଏଥିପ୍ରତି ଦୃଷ୍ଟି ଦେଇ ଗ୍ରାମାଞ୍ଚଳରେ ରହୁଥିବା ୧୮ ରୁ୪୫ ବର୍ଷ ବୟସ୍କଙ୍କ ପାଇଁ ସଂପୃକ୍ତ ଅଞ୍ଚଳରେ ଥିବା ଡାକ୍ତରଖାନା ମାନଙ୍କ ରେ ଟିକା ଦେବାର ବ୍ୟବସ୍ଥା କରିବାକୁ ଦାବୀ ହେଉଛି।
Comments are closed.