ଗୁରୁଡିଝାଟିଆ: ରାଜ୍ୟ ସରକାର କରୋନା ମୁକାବିଲା ନିମନ୍ତେ ସାମାଜିକ ଦୁରତ୍ୱକୁ ଅନ୍ୟତମ ଅସ୍ତ୍ର ଭାବରେ ଅଭିହିତ କରିଛନ୍ତି। ବିଭିନ୍ନ ଗଣମାଧ୍ୟମରେ ସଚେତନତାର ବାର୍ତ୍ତା ମଧ୍ୟ ବାଣ୍ଟୁଛନ୍ତି। ହେଲେ ବ୍ୟାଙ୍କମାନଙ୍କରେ ସାମାଜିକ ଦୂରତ୍ୱକୁ ଏକପ୍ରକାର ଅମାନ୍ୟ ହେଉଥିବା ଦେଖାଯାଉଛି। ଯାହାର ଉଦହାରଣ ଓଡିଶା ଗ୍ରାମ୍ୟବ୍ୟାଙ୍କ କଖଡି ଶାଖା। ବହୁ ଗ୍ରାହକ ଏକତ୍ରୀତ ହୋଇ ଦେହକୁ ଦେହ ଲଗାଇ ଠେଲାପେଲା ଅବସ୍ଥାରେ ଛିଡା ହୋଇଥିବା ଦେଖିବାକୁ ମିଳିଥିଲା। ବ୍ୟାଙ୍କ କର୍ତ୍ତୃପକ୍ଷ ଫାଠକ ବନ୍ଦ କରିଥିବାରୁ ଉପଭୋକ୍ତାମାନେ ନିଜର ଜମାଖାତାକୁ ହାତଗଳାଇ ଗେଟ ପାଖରେ ଛିଡା ହୋଇଥିବା କର୍ମଚାରୀଙ୍କୁ ଦେଖାଉଥିଲେ। ବ୍ୟାଙ୍କ କର୍ତ୍ତୃଫକ୍ଷ ଉପଭୋକ୍ତାମାନଙ୍କ ପାଇଁ ବିଶ୍ରାମ ବ୍ୟବସ୍ଥା କରିବା ଏକାନ୍ତ ବିଧେୟ। ତାହା ତ କରିନାହାନ୍ତି। ଦ୍ୱିତୀୟରେ ପ୍ରଚଣ୍ଡ ରୌଦ୍ରତାପରେ ମଧ୍ୟ ଉପଭୋକ୍ତାମାନେ ଠିଆ ହୋଇଥିବା ଦେଖିବାକୁ ମିଳିଥିଲା। ଆଗାମୀ ଦିନରେ ବ୍ୟାଙ୍କ କର୍ତ୍ତୃପକ୍ଷ ଏହି ସମାସ୍ୟାର ସମାଧାନ କରିବା ପାଇଁ ସାଧାରଣରେ ଦାବି ହୋଇଛି। ଏସଂକ୍ରାନ୍ତରେ ବ୍ୟାଙ୍କ କର୍ତ୍ତୃପକ୍ଷଙ୍କୁ ଯୋଗାଯୋଗ କରାଯାଇଥିଲେ ମଧ୍ୟ ତାହା ସମ୍ଭବପର ହୋଇନଥିଲା।
Comments are closed.