ଜାକର୍ତ୍ତା : ଇଣ୍ଡୋନେସିଆରେ ଶନିବାରଠାରୁ ଆରମ୍ଭ ହେଉଛି ୧୮ଶ ଏସୀୟ କ୍ରୀଡ଼ା। ବିଶ୍ୱର ସର୍ବବୃହତ୍ ମହାଦେଶର ଏହା ସର୍ବବୃହତ୍ କ୍ରୀଡ଼ା ପ୍ରତିଯୋଗିତା। ଖାଲି ଏତିକି ନୁହେଁ; ଏସୀୟ କ୍ରୀଡ଼ା ଇତିହାସରେ ଏହା ସର୍ବବୃହତ୍ କ୍ରୀଡ଼ା ହେବାକୁ ଯାଉଛି। ୪୦ଟି କ୍ରୀଡ଼ାରେ ୪୫ଟି ଦେଶରୁ ପ୍ରାୟ ୧୧ ହଜାର କ୍ରୀଡ଼ାବିତ୍ ଏହି କ୍ରୀଡ଼ାରେ ଭାଗନେବାକୁ ଯାଉଛନ୍ତି। ପ୍ରଥମଥର ପାଇଁ ୨ଟି ସହର- ଜାକର୍ତ୍ତା ଓ ପାଲେମ୍ବାଙ୍ଗ୍ ଏହି କ୍ରୀଡ଼ାର ଆୟୋଜନ କରୁଛନ୍ତି। ଆଶା ଅନୁସାରେ; ଏଥର ଏସିଆର କ୍ରୀଡ଼ା ସୁପରପାୱର ଚୀନ୍ ଏବଂ ପ୍ରଥମଥର ପାଇଁ ମିଳିତ ଭାବେ ଭାଗ ନେଉଥିବା କୋରିଆ ମଧ୍ୟରେ ପଦକ ତାଲିକାର ପ୍ରଥମସ୍ଥାନରେ ରହିବା ପାଇଁ ମୁକାବିଲା ହେବ। ଆମଦେଶ ଭାରତ ମଧ୍ୟ ପଦକ ତାଲିକାର ପ୍ରଥମ ୫ଟି ସ୍ଥାନ ମଧ୍ୟରେ ରହିବାର ସମ୍ଭାବନା ରହିଛି। ଭାରତର ୫୭୧ ଜଣିଆ ଶକ୍ତିଶାଳୀ ଦଳ ଏଥର ଏସୀୟ କ୍ରୀଡ଼ାରେ ଭାଗନେଉଛି। ସେମାନଙ୍କ ମଧ୍ୟରେ ୩୧୨ ପୁରୁଷ କ୍ରୀଡ଼ାବିତ୍ ଥିବା ବେଳେ ୨୫୯ ମହିଳା ରହିଛନ୍ତି। ରାଜ୍ୟଗୋଷ୍ଠୀ କ୍ରୀଡ଼ାରେ ଭାରତୀୟ କ୍ରୀଡ଼ାବିତ୍ଙ୍କ ସଫଳତା ପରେ ୧୬ ଦିନ ଧରି ଚାଲିିବାକୁ ଥିବା ଏସୀୟ କ୍ରୀଡ଼ାରେ ସେମାନଙ୍କଠାରୁ ଦେଶ ବହୁତ ଆଶାରଖିଛି।
Popular Categories
Previous article
Next article