ଭବାନୀପାଟଣା : କଳାହାଣ୍ଡି ଜିଲ୍ଲାର ମଦନପୁରରାମପୁର ବ୍ଳକର ମଦନପୁର ଓଡିଶା ଆଦର୍ଶ ବିଦ୍ୟାଳର ପ୍ରିନ୍ସପାଲ ଜୈନିକ ଯୁବକକୁ ଚୌକିଦାର ପଦବୀରେ ନିଯୁକ୍ତି କରିଦେବା ପାଇଁ ୪୦ ହଜାର ଟଙ୍କା ଲାଞ୍ଚ ନେଉଥିବାବେଳେ କଳାହାଣ୍ଡି ଭିଜିଲାନ୍ସ ହାତରେ ଧରାପଡି ଗିରଫ ହେବା ଘଟଣା ଉକ୍ତ ଅଞ୍ଚଳରେ ଆଲୋଚନାର ବିଷୟ ହୋଇଛି। ଭିଜିଲାନ୍ସ ସୂତ୍ରରୁ ପ୍ରକାଶ ଯେ , ମଦନପୁର ଓଡିଶା ଆଦର୍ଶ ବିଦ୍ୟାଳୟରେ ଚୌକିଦାର ପଦବୀରେ ନିଯୁକ୍ତି ହେବା ପାଇଁ ମଦନପୁରରାମପୁର ର ଗଙ୍ଗାଧର ବାଗ ଆବେଦନ କରିଥିଲା। ୪୦ ହଜାର ଟଙ୍କା ଲାଞ୍ଚ ଦେଲେ ତାକୁ ଉକ୍ତ ଚୌକିଦାର ପଦବୀରେ ନିଯୁକ୍ତି କରିଦେବେ ବୋଲି ପ୍ରିନ୍ସପାଲ କ୍ଷିତିଶ ଭୂଷଣ ବିଶ୍ୱାଳ କହିଥିଲେ। ଏତେ ଟଙ୍କା ସେ ଦେଇ ପାରିବେ ନାହିଁ ବୋଲି ଗଙ୍ଗାଧର ପ୍ରିନ୍ସପାଲ ଶ୍ରୀ ବିଶ୍ୱାଳ କୁ କହିବା ସହିତ ଆଉ କିଛି କମ କରିବାକୁ ଅନୁରୋଧ କରିଥିଲେ। ୪୦ ହଜାରରୁ ଏକ ଟଙ୍କା କମ ହେଲେ ତାଙ୍କ କାମ ହେବ ନାହିଁ ବୋଲି ପ୍ରିନ୍ସପାଲ ରୋକ୍ଠୋକ୍ ଶୁଣାଇ ଦେଇଥିଲେ। ଅନ୍ୟ ଉପାୟ ନ ପାଇ ଗଙ୍ଗାଧର ବାଗ ଭବାନୀପାଟଣା ଭିଜିଲାନ୍ସ କୁ ଘଟଣା ସଂମ୍ପର୍କରେ ଜଣାଇଥିଲେ । ଭିଜିଲାନ୍ସ ବିଭାଗ ତଦନ୍ତ କରି ଉକ୍ତ ଅଭିଯୋଗ ସତ୍ୟାସତ୍ୟ ଥିବା ଜାଣିବା ବାକୁ ପାଇ ଥିଲେ । ଭିଜିଲାନ୍ସ ନିର୍ଦ୍ଦେଶ କ୍ରମେ ୧୮ ତାରଖ ଦିନ ଗଙ୍ଗାଧର ବାଗ ୪୦ ହଜାର ଟଙ୍କା ପ୍ରିନ୍ସପାଲ କ୍ଷିତିଶ ଭୂଷଣ ବିଶ୍ୱାଳ ଲାଞ୍ଚ ଦେଇଥିଲେ । ପୂର୍ବରୁ କିଛି ଦୂରରେ ଥିବା ଭିଜିଲାନ୍ସ ଡିଏସପି ସତ୍ୟବାନ ମହାନନ୍ଦ ଙ୍କ ନେତୃରେ ଭିଜିଲାନ୍ସ କର୍ମଚାରୀ ମାନେ ତୁରନ୍ତ ଚଢ଼ଉ କରି ପ୍ରିନ୍ସପାଲ ଶ୍ରୀ ବିଶ୍ୱାଳଙ୍କ ଠାରୁ କେମିକାଲ ବୋଳିତ ୪୦ ହଜାର ଟଙ୍କା ଜବତ କରିବା ସହିତ ପ୍ରିନ୍ସପାଲ ଶ୍ରୀ ବିଶ୍ୱାଳ ଙ୍କୁ ଗିରଫ କରାଯାଇ ଭବାନୀପାଟଣା ଆଣିବା ପରେ ଅଧିକ ତଦନ୍ତ ଚାଲିଛି ବୋଲି ଭିଜିଲାନ୍ସ ଡିଏସପି ଶ୍ରୀ ମହାନନ୍ଦ ପ୍ରକାଶ କରିଛନ୍ତି ।
Comments are closed.