ଟିଟିଲାଗଡ଼ : ଟିଟିଲାଗଡ ବ୍ଲକ ଅଞ୍ଚଳରେ ଦ୍ୱିତୀୟ ପର୍ଯ୍ୟାୟରେ ୪୭୨ ଜଣ କରୋନା ଯୋଦ୍ଧାଙ୍କୁ କରୋନା ଟିକା ପ୍ରଦାନ କାର୍ଯ୍ୟକ୍ରମ ୬ତାରିଖରୁ ଆରମ୍ଭ ହୋଇଛି। ଖୋଲାନ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ଡା.ମିନକେତନ କିଷାନଙ୍କ ତତ୍ୱାବଧାନରେ ଆସନ୍ତା ୧୩ ପର୍ଯ୍ୟନ୍ତ ସ୍ଥାନୀୟ ବ୍ଲକ କାର୍ଯ୍ୟାଳୟ ପରିସରରେ ଟିକାଦାନ ଜାରି ରହିବ। ଟିଟିଲାଗଡ ଏସ୍ଡିପିଓ ସୁରେନ୍ଦ୍ରନାଥ ଶତପଥୀ, ବିଡିଓ ନବୀନ ଚନ୍ଦ୍ର ନାୟକ, ରାଜ୍ୟ ସରପଞ୍ଚ ସଂଘ କାର୍ଯ୍ୟକାରୀ ସଭାପତି ହରିନାରାୟଣ ମିଶ୍ର, ବ୍ଲକ ସଭାପତି ବିରବର ସାହୁଙ୍କ ସମେତ ବିଭିନ୍ନ ସରକାରୀ କାର୍ଯ୍ୟାଳୟ କର୍ମଚାରୀ, ପୁଲିସ ବାହିନୀ, ଅଗ୍ନିଶମ ବିଭାଗ, ନିର୍ବାଚିତ ପ୍ରତିନିଧିଙ୍କୁ ଟିକାଦାନ ପାଇଁ ପ୍ରାଥମିକତା ଦିଆଯାଇଛି। କରୋନା ସମୟରେ ଜିଲାପାଳ କ୍ଷମତାପ୍ରାପ୍ତ ସରପଞ୍ଚ , କରୋନା ଯୋଦ୍ଧା ସ୍ୱାସ୍ଥ୍ୟ କର୍ମୀଙ୍କ ସହ ଅନ୍ୟ ଅଗ୍ରଣୀ ଯୋଦ୍ଧାଙ୍କୁ ସରକାର ମାଗଣାରେ ଟିକା ପ୍ରଦାନକୁ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଛି। ତେବେ ବିପଦ ଟଳି ନାହିଁ। ଆମକୁ ଅଧିକ ସଚେତନ ରହିବା ଆବଶ୍ୟକ କହିଛନ୍ତି ସ୍ୱାସ୍ଥ୍ୟ ଅଧିକାରୀ ଡା.କିଷାନ। ଟିକାଦାନ କେନ୍ଦ୍ରରେ ଡା.ପ୍ରମୋଦ ବାରିକ, ଫାର୍ମାସିଷ୍ଟ ବିନୋଦ ନାୟକ, ସ୍ୱାସ୍ଥ୍ୟ କର୍ମୀ ମୀନତି ଭୋଇ, ମୈତ୍ରୀ ସାହୁ ଉପସ୍ଥିତ ରହି ଟିକାଦାନ ପ୍ରକ୍ରିୟା ପରିଚାଳନା କରିଥିଲେ।
Comments are closed.