ନୂଆଦିଲ୍ଲୀ : ଆଜି ନୂଆ କୃଷି ଆଇନକୁ ବିରୋଧ କରି ସାରା ଦେଶରେ ବନ୍ଦ ଡାକରା ଦିଆଯାଇଥିବା ବେଳେ ସନ୍ଧ୍ୟାରେ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ସହ କୃଷକ ନେତାଙ୍କ ମଧ୍ୟରେ ଆରମ୍ଭ ହୋଇଥିବା ବୈଠକ ଶେଷ ହୋଇଛି। ସରକାର କୃଷକ ନେତାଙ୍କ ମଧ୍ୟରେ ପାଞ୍ଚଥର ହୋଉଥିବା ବୈଠକରେ ଯେପରି ବିଫଳ ହୋଇଥିଲା । ସେହିପରି ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ସହ କୃଷକ ନେତାଙ୍କ ବୈଠକରେ ମଧ୍ୟ କୌଣସି ନିଷ୍କର୍ଷ ବାହାରି ପାରିନାହିଁ। କେବଳ ଆସନ୍ତାକାଲି କେନ୍ଦ୍ର ସରକାର କୃଷକମାନଙ୍କୁ ନୂଆ କୃଷି ଆଇନରେ ସଂଶୋଧନ ପାଇଁ ଏକ ଲିଖିତ ପସ୍ତାବ ଦେବେ ଏବଂ ପ୍ରସ୍ତାବ ପରେ କୃଷକନେତାମାନେ ଆଲୋଚନା ପରେ ସରକାରଙ୍କ ସହ ପରବର୍ତ୍ତି ବୈଠକ କରିବେ ବୋଲି କୃଷକ ନେତା ହନନ ମୁଲ୍ଲା କହିଛନ୍ତି।
The Government is not ready to take back the farm laws: Hannan Mollah, General Secretary, All India Kisan Sabha https://t.co/APu8ws5eWS
— ANI (@ANI) December 8, 2020
ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ସହ ବୈଠକ ପରେ କୃଷକ ନେତା ହନନ ମୁଲ୍ଲା କହିଛନ୍ତି ସରକାର କୃଷି ଆଇନ ଫେରାଇ ନେବା ପାଇଁ ପ୍ରସ୍ତୁତ ନୁହନ୍ତି । ସରକାର ଆସନ୍ତାକାଲି ଆନ୍ଦୋଳନରତ କୃଷକମାନଙ୍କୁ ନୂଆ କୃଷି ଆଇନରେ ସଂଶୋଧନ ପାଇଁ ଏକ ଲିଖିତ ପସ୍ତାବ ଦେବେ। ସରକାରଙ୍କ ଲିଖିତ ପ୍ରସ୍ତାବ ଉପରେ ଚାଷୀନେତାମାନେ ଆଲୋଚନା କରିବା ପରେ ସରକାରଙ୍କ ସହ ପରବର୍ତ୍ତି ବୈଠକ କରିବେ । ଏଥି ସହିତ ଆସନ୍ତାକାଲି କେନ୍ଦ୍ର କୃଷି ମନ୍ତ୍ରୀଙ୍କ ସହ କୃଷକ ନେତାମାନଙ୍କ ସହ ବୈଠକ ହେବ ନାହିଁ ବୋଲି କୃଷକ ନେତା ହନନ ମୁଲ୍ଲା କହିଛନ୍ତି।
Tomorrow we will hold a meeting at Singhu border (Delhi-Haryana border) at 12 pm: Hannan Mollah, General Secretary, All India Kisan Sabha. #FarmersProtest pic.twitter.com/AxMrdwH1xn
— ANI (@ANI) December 8, 2020
ସୂଚନାଯୋଗ୍ୟ ୧୩ ଦିନ ଧରି ଦିଲ୍ଲୀରେ ଆନ୍ଦୋଳନ କରୁଥିବା କୃଷକମାନଙ୍କ ସହ ଏହାରି ମଧ୍ୟରେ କେନ୍ଦ୍ର ସରକାର ୫ ଥର ଆଲୋଚନା କରିଥିଲେ ମଧ୍ୟ ସମସ୍ତ ବୈଠକ ବିଫଳ ହୋଇଥିଲା। ଯାହା ଫଳରେ ଆଜି ସାରା ଦେଶରେ କୃଷକ ସଙ୍ଗଠନମାନେ ଚକ ଅଖ ବନ୍ଦ କରିଥିଲେ। ଭାରତ ବନ୍ଦ ହେବା ପରେ ଆଜି ସନ୍ଧ୍ୟାରେ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ସହ କୃଷକ ନେତାଙ୍କ ସହ ୧୩ ଜଣ କୃଷି ନେତା ଆଲୋଚନା କରିଥିଲେ । ଯେଉଁ ବୈଠକରେ କିଛି ନିଷ୍କର୍ଷ ବାହାରିବ ବୋଲି ଆଶ କରାଯାଉଥିଲା। କିନ୍ତୁ ଏହି ବୈଠକରେ କିଛି ନିଷ୍କର୍ଷ ବାହାରି ପାରିନାହିଁ। ଯାହା ଫଳରେ ଆସନ୍ତାକାଲି କେନ୍ଦ୍ର ସରକାର କୃଷକମାନଙ୍କୁ ନୂଆ କୃଷି ଆଇନରେ ସଂଶୋଧନ ପାଇଁ ଯେଉଁ ଲିଖିତ ପସ୍ତାବ ଦେବେ ତାହା ଉପରେ ସମସ୍ତଙ୍କ ନଜର ରହିଛି।
