ସାରନଗରୀ : ଦକ୍ଷିଣ ରାଉରକେଲା ଅନ୍ତର୍ଗତ ଫର୍ଟିଲାଇଜର ଟାଉନସିପରେ ଶୁକ୍ରବାର ସକାଳୁ ଏକ ଅଜଗର ସାପ ଉଦ୍ଧାର କରାଯାଇଛି। ମିଳିଥିବା ସୂଚନା ଅନୁଯାୟୀ, ସକାଳ ସମୟରେ ସ୍ଥାନୀୟ ଅଂଚଳର ଲୋକମାନେ ପ୍ରାତଃ ଭ୍ରମଣ କରୁଥିବା ସମୟରେ, ମୋହନ ଚନ୍ଦ୍ର ବାରିକ ନାମକ ଜଣେ ବ୍ୟକ୍ତିଙ୍କ ନଜର ଅଜଗର ସାପ ଉପରେ ପଡ଼ିଥିଲା । ସାରନଗରୀ ମା’ ମଙ୍ଗଳା ଛକ ନିକଟ ଟାଉନ ଆଉଟପୋଷ୍ଟ ରାସ୍ତା କଡ଼ରେ ଅଜଗର ସାପଟି ଶୋଇ ରହିଥିଲା । ସାପଟିର ଲମ୍ବ ପ୍ରାୟ ୬ ଫୁଟ ହେବ । ଏହାପରେ ଏ ସମ୍ପର୍କରେ ବରିଷ୍ଠ ସାପ ଧରାଳୀ ତଥା ସାମାଜିକ କର୍ମୀ ଦେବାନନ୍ଦ ବେହେରାଙ୍କୁ ସୂଚନା ଦିଆଯିବା ପରେ ଶ୍ରୀ ବେହେରା ତୁରନ୍ତ ଘଟଣାସ୍ଥଳରେ ପହଂଚି ଅଜଗର ସାପକୁ ଉଦ୍ଧାର କରିଥିଲେ । ସାପ ଧରା କାର୍ଯ୍ୟରେ ରେନସା ମାଝୀ ସହଯୋଗ କରିଥିଲେ । ସାପଟିକୁ ଧରି ବନବିଭାଗକୁ ହସ୍ତାନ୍ତର କରିବା ପରେଏହାକୁ ନିକଟ ଜଙ୍ଗଲରେ ଛାଡ଼ି ଦିଆଯାଇଛି । ଉକ୍ତ ଅଜଗର ସାପ ରାସ୍ତାରେ ଶୋଇ ରହିଥିବା ବେଳେ, ଏହାକୁ ଦେଖିବାକୁ କିଛି ସମୟ ପାଇଁ ଦେଖଣାହାରୀଙ୍କ ଭିଡ଼ ଜମିବା ସହ କିଛି ଲୋକ ମୋବାଇଲ ମାଧ୍ୟମରେ ଅଜଗର ସାପର ଫଟୋ ଓ ଭିଡ଼ିଓ ଉଠେଇଥିବା ଦେଖିବାକୁ ମିଳିଥିଲା ।
Popular Categories
Previous article
Next article