ବୌଦ୍ଧ : ଆସନ୍ତା ୨୦୨୧ ଏପ୍ରିଲ ମାସରେ ମିଆଁମାରରେ ହେବାକୁ ଥିବା ଲିଟିଲ୍ମିସ୍ ପ୍ରତିଯୋଗିତାରେ ଭାରତ ପକ୍ଷରୁ ପ୍ରତିନିଧିତ୍ୱ କରିବେ ବୌଦ୍ଧର ଅନିଷା ମେହେର। ଏହାକୁ ମିଆଁମାର ପର୍ଯ୍ୟଟନ ବିଭାଗ ସହାୟତାରେ ଗ୍ଲୋବାଲ ବିୟୁଟି ଇଣ୍ଟରନ୍ୟାସନାଲ ଆୟୋଜନ କରୁଛି। ଏଥିରେ ୩୫ଟି ଦେଶର ପ୍ରତିଯୋଗୀ ଅଂଶଗ୍ରହଣ କରିବେ। ଗ୍ଲୋବାଲ ବିୟୁଟି ଇଣ୍ଟରନ୍ୟାସନାଲ ଅର୍ଗାନାଇଜେସନ ଏବଂ ଇଣ୍ଡିଆନ ଇଣ୍ଟରନ୍ୟାସନାଲ ପାଗେଣ୍ଟ କମ୍ପାନୀ ପକ୍ଷରୁ ଅନ୍ଲାଇନ ଫ୍ୟାସନ ଶୋ’ ଅଡିସନରେ ୧୦୦ ପ୍ରତିଯୋଗୀଙ୍କ ମଧ୍ୟରୁ ଟିନ୍ (୧୪ ବର୍ଷରୁ କମ ) ବିଭାଗରେ ସର୍ବାଧିକ ନମ୍ବର ରଖି ମିଆଁମାର ଯିବା ପାଇଁ ଯୋଗ୍ୟ ବିବେଚିତ ହୋଇଛନ୍ତି ଅନିଷା। ତାଙ୍କୁ ଜିଲାର ବିଭିନ୍ନ ଅନୁଷ୍ଠାନ ପକ୍ଷରୁ ଶୁଭେଚ୍ଛା ଜ୍ଞାପନ କରାଯାଇଛି। ବୌଦ୍ଧ ସହରର ପ୍ରମୋଦ ମେହେର ଓ ସୁକାନ୍ତୀ ସିଂଙ୍କ କନିଷ୍ଠାକନ୍ୟା ଅନିଷା ପିଲାଟି ଦିନରୁ ନୃତ୍ୟ,ସଂଗୀତ, କଳା, କରାଟେ, ଫ୍ୟାସନ ଶୋ’ ଆଦି ପ୍ରତିଯୋଗିତାରେ ଅଂଶଗ୍ରହଣ କରି କୃତିତ୍ୱ ଅର୍ଜନ କରିଛନ୍ତି। ସେ ଏବେ ବୌଦ୍ଧ କେନ୍ଦ୍ରୀୟ ବିଦ୍ୟାଳୟରେ ୯ମ ଶ୍ରେଣୀର ଛାତ୍ରୀ।
Comments are closed.