ବଲିଉଡ ଓ ଚଳଚିତ୍ର ଶିଳ୍ପର ଭାବମୂର୍ତ୍ତିକୁ ନଷ୍ଟ କରୁଥିବା ଅଭିଯୋଗ କରି ରିପବ୍ଲିକ୍ ଟିଭି ଓ ଟାଇମ୍ସ ନାଓ ବିରୋଧରେ ଦିଲ୍ଲୀ ଅଦାଲତରେ ମାମଲା ରୁଜୁ କରିଛି ଚଳଚିତ୍ର ପ୍ରଯୋଜକ ସଂଘ । ବଲିଉଡ଼ ବିଷୟରେ ଦାୟିତ୍ଵହୀନ, ଅପମାନଜନକ ଶବ୍ଦ ପ୍ରୟୋଗ କରି ବଦନାମ କରୁଥିବା ଅଭିଯୋଗ କରି ଏହି ମାମଲା ରୁଜୁ ହୋଇଛି । ମକଦ୍ଦମା ଦାୟର କରିଥିବା ପ୍ରଯୋଜକ ସଂସ୍ଥା ମଧ୍ୟରେ ଶାହରୁଖ ଖାନ, ସଲମାନ ଖାନ, ଆମୀର ଖାନ, କରଣ ଜୋହରଙ୍କ କମ୍ପାନୀ ସମେତ ଅନେକ ବଡ ପ୍ରଯୋଜକ ସଂସ୍ଥା ରହିଛି ।
[BREAKING] Suit has been filed before Delhi High Court by four Bollywood industry Assns & 34 leading Bollywood producers AGAINST
Republic TV
Arnab Goswami
Pradeep Bhandari
Times Now
Rahul Shivshankar
Navika Kumar @navikakumar @pradip103 @RShivshankar #ArnabGoswami pic.twitter.com/NXAP4w1Uvp— Bar & Bench (@barandbench) October 12, 2020
ଗତ ଚାରିମାସ ମଧ୍ୟରେ ଅନେକ ଗଣମାଧ୍ୟମ ରିପୋର୍ଟ ବଲିଉଡ ବିଷୟରେ ଅନେକ କଥା କହିଛି | ବିଶେଷତ ଡ଼୍ରଗ୍ସ କାରବାରକୁ ନେଇ ଅନୁସନ୍ଧାନ ସମୟରେ ଅନେକ ସେଲିବ୍ରିଟି ଜଡ଼ିତ ଥିବା ସୂଚନା ମିଳିଛି । ଏହି ଖବର ପରିବେଷଣ ସମୟରେ ବଲିଉଡ଼କୁ ‘ଖରାପ ସ୍ଥାନ’ ବୋଲି କିଛି ଗଣମାଧ୍ୟମ ବର୍ଣନା କରିଛନ୍ତି ।
Here is the list of Bollywood associations and production houses who have filed a case against @republic #ArnabGoswami @pradip103 @navikakumar @RShivshankar and @TimesNow
What’s your comment on this new phenomenon? pic.twitter.com/gDZk8M9EZl
— Vivek Ranjan Agnihotri (@vivekagnihotri) October 12, 2020
ଏହା ବିରୋଧରେ ଏହି ପ୍ରଯୋଜକମାନେ ଅଦାଲତ ଯାଇଛନ୍ତି । ଦିଲ୍ଲୀ ହାଇକୋର୍ଟରେ ରିପବ୍ଲିକ୍ ଟିଭି ଏବଂ ଟାଇମ୍ସ ନାଓର ଅର୍ଣ୍ଣବ ଗୋସ୍ୱାମୀ, ପ୍ରଦୀପ ଭଣ୍ଡାରୀ, ରାହୁଲ ଶିବଶଙ୍କର ଏବଂ ନବିକା କୁମାରଙ୍କୁ ପକ୍ଷଭୁକ୍ତ କରାଯାଇଛି । ଏହା ସହ ପ୍ରସାରିତ ଖବରରୁ ଅପମାନଜନକ ବିଷୟବସ୍ତୁକୁ ହଟାଇବାକୁ ମଧ୍ୟ ଆବେଦନ ହୋଇଛି । ଚ୍ୟାନେଲଗୁଡ଼ିକ ବଲିଉଡ ବିଷୟରେ ବହୁତ ଅଶ୍ଳୀଳ ଭାଷା ବ୍ୟବହାର କରିଛନ୍ତି ବୋଲି ଏଥିରେ କୁହାଯାଇଛି ।
