ରେକର୍ଡ ସଂଖ୍ୟକ ୯୫ ହଜାରରୁ ଅଧିକ ସୁସ୍ଥ : ଆରୋଗ୍ୟ ହାରରେ ଆମେରିକାକୁ ଟପି ଏକ ନମ୍ବରରେ ଭାରତ
ନୂଆଦିଲ୍ଲୀ : ଦେଶରୁ ଗୋଟିଏ ଦିନରେ ରେକର୍ଡ ସଂଖ୍ୟକ ୯୫ ହଜାର ୮୮୦ ଜଣ କରୋନ ସଂକ୍ରମିତ ଆରୋଗ୍ୟ ଲାଭ କରିଛନ୍ତି। ଫଳରେ କୋବିଡ ଆରୋଗ୍ୟ ହାର ୭୯. ୨୮ ପ୍ରତିଶତକୁ ବୃଦ୍ଧି ପାଇଛି। ଏଥିସହିତ ମୋଟ୍ ଆରୋଗ୍ୟଙ୍କ ସଂଖ୍ୟା ୪୨ ଲକ୍ଷ ଅତିକ୍ରମ କରିଛି। କେନ୍ଦ୍ର ସ୍ୱାସ୍ଥ୍ୟ
ମନ୍ତ୍ରଣାଳୟ କହିଛି, କୋବିଡ୍ ଆରୋଗ୍ୟ ହାର ଦୃଷ୍ଟିରୁ ଭାରତ ଆମେରିକାକୁ ଅତିକ୍ରମ କରି ବିଶ୍ୱରେ ଏକନମ୍ବର ସ୍ଥାନରେ ପହଞ୍ଚିଛି। ଆରୋଗ୍ୟ ସଂଖ୍ୟା ବୃଦ୍ଧି ପାଉଥିବାରୁ ଚିକିତ୍ସିତ ହେଉଥିବା ସଂକ୍ରମିତମାନଙ୍କ ସଂଖ୍ୟା ହ୍ରାସ ପାଇବା ସହ ମୋଟ୍ ସଂକ୍ରମଣର ଏହା ଶତକଡ଼ା ୧୯. ୧ % ରହିଛି। ବର୍ତ୍ତମାନ ୧୦ଲକ୍ଷ ୧୩ ହଜାର ସକ୍ରିୟ ସଂକ୍ରମିତ ଚିକିତ୍ସିତ ହେଉଛନ୍ତି।
ମନ୍ତ୍ରଣାଳୟ କହିଛି, ଦେଶରେ ଆରୋଗ୍ୟ ହାର ବୃଦ୍ଧି ପାଇଥିବାବେଳେ ମୃତ୍ୟୁହାର ହ୍ରାସ ପାଉଛି। ଗତ ୨୪ ଘଣ୍ଟା ମଧ୍ୟରେ ୧ ହଜାର ୨୪୭ ଜଣଙ୍କ ମୃତ୍ୟୁ ଘଟି ଥିବାରୁ କୋବିଡ୍ ମୃତ୍ୟୁସଂଖ୍ୟା ୮୫ ହଜାର ୬୧୯ରେ ପହଞ୍ଚିଛି। ଦେଶରେ କୋବିଡ୍ ମୃତ୍ୟୁହାର ୧.୬୧ % ରହିଛି, ଯାହା ବିଶ୍ୱର ହାରାହାରି ମୃତ୍ୟୁହାର ତୁଳନାରେ ଯଥେଷ୍ଟ କମ୍। ସେହିପରି ଦେଶରେ ୨୪ ଘଣ୍ଟାରେ ୯୩ ହଜାର ୩୩୭କରୋନା ପଜିଟିଭ ଚିହ୍ନଟ ହେବା ସହ ମୋଟ ସଂକ୍ରମିତଙ୍କ ସଂଖ୍ୟା ୫୩ ଲକ୍ଷ ୯୩ ହଜାର ୩୩୭ରେ ପହଞ୍ଚିଛି।
ସେହିପରି ଗତ ୨୪ ଘଣ୍ଟା ଭିତରେ ୮ଲକ୍ଷ ୮୧ ହଜାର ନମୁନା ପରୀକ୍ଷା କରାଯାଇଛି। ଏପର୍ଯ୍ୟନ୍ତ ମୋଟ୍ ୬ କୋଟି ୨୪ ଲକ୍ଷ ନମୁନା ପରୀକ୍ଷା
କରାଯାଇଛି।
Comments are closed.