ନୂଆଦିଲ୍ଲୀ : ‘ହିନ୍ଦୁ ପାକିସ୍ତାନ’ ମନ୍ତବ୍ୟ ପାଇଁ କଂଗ୍ରେସ୍ ସାଂସଦ ଶଶି ଥରୁର୍ ଏବେ ଆଇନ ଜାଲରେ ଛନ୍ଦି ହୋଇପଡିଛନ୍ତି। ଏ ନେଇ କଲିକତାର ଏକ କୋର୍ଟ ତାଙ୍କୁ ଶନିବାର ସମନ ଜାରି କରିଛନ୍ତି। ବିଜେପି ପୁନର୍ବାର ନିର୍ବାଚିତ ହେଲେ ଭାରତୀୟ ସମ୍ବିଧାନକୁ ଚିରି ନୂତନ ସମ୍ବିଧାନ ଲିପିବଦ୍ଧ କରିବ। ନୂଆ ସମ୍ବିଧାନରେ ସଂଖ୍ୟାଲଘୁଙ୍କ ଅଧିକାର କ୍ଷୁଣ୍ଣ କରିଦିଆଯିବ ଯଦ୍ଦ୍ୱାରା ‘ହିନ୍ଦୁ ପାକିସ୍ତାନ’ ସୃଷ୍ଟି ହେବ ବୋଲି ଥରୁର୍ ମନ୍ତବ୍ୟ ଦେଇଥିଲେ। ଏଭଳି ମନ୍ତବ୍ୟ ଦେଇ ସେ ସାଧାରଣ ଲୋକଙ୍କ ଧାର୍ମିକ ଭାବନାକୁ ଆଘାତ ଦେବା ସହିତ ସମ୍ବିଧାନକୁ ଅସମ୍ମାନ କରିଥିବା ଅଭିଯୋଗ ଦର୍ଶାଇ ଓକିଲ ସୁମିତ ଚୌଧୁରୀ କୋର୍ଟରେ ଏକ ଆବେଦନ ରୁଜୁ କରିଥିଲେ। ଏହି ଆବେଦନ ଉପରେ କାର୍ଯ୍ୟାନୁଷ୍ଠାନ ଗ୍ରହଣ ସ୍ୱରୂପ ଅଗଷ୍ଟ ୧୪ରେ କୋର୍ଟରେ ହାଜର ହେବା ନିମନ୍ତେ ଥରୁର୍ଙ୍କୁ କୁହାଯାଇଛି।
Popular Categories
Previous article
Next article