ମସ୍କୋ : ଫିଫା ବିଶ୍ୱକପ – ୨୦୧୮ର କ୍ୱାର୍ଟର ଫାଇନାଲ ରାଉଣ୍ଡ ଅପ୍ ଚୁଡାନ୍ତ ହୋଇଛି । ଶେଷ ୨ଟି ଦଳ ଭାବେ ସ୍ୱିଡେନ୍ ଓ ଇଂଲଣ୍ଡ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି । ଆସନ୍ତା ଶୁକ୍ରବାର ଓ ଶନିବାର କ୍ବାର୍ଟର ଫାଇନାଲ ମ୍ୟାଚ ଅନୁଷ୍ଠିତ ହେବ। ସେହିପରି ମଙ୍ଗଳବାର ୧୦ ତାରିଖ ଓ ବୁଧବାର ୧୧ତାରିଖ ଦିନ ସେମିଫାଇନାଲ୍ ମ୍ୟାଚ୍ ଖେଳାଯିବ। ତୃତୀୟ ସ୍ଥାନ ପାଇଁ ୧୪ ତାରିଖ ଦିନ ଏବଂ ଫାଇନାଲ୍ ମ୍ୟାଚ୍ ୧୫ ତାରିଖରେ ଅନୁଷ୍ଠିତ ହେବ।
ମଙ୍ଗଳବାର ଅନୁଷ୍ଠିତ ଶେଷ ପ୍ରି-କ୍ବାର୍ଟର ଫାଇନାଲ ବିଜେତା ଇଂଲଣ୍ଡ ସମେତ ମୋଟ୍ ୮ଟି ଦଳ ଏହି କ୍ୱାର୍ଟରଫାଇନାଲରେ ପ୍ରବେଶ କରିଛନ୍ତି। ମଙ୍ଗଳବାର ଅନୁଷ୍ଠିତ ପ୍ରଥମ ପ୍ରିକ୍ୱାର୍ଟର ଫାଇନାଲ ମ୍ୟାଚ୍ରେ ସ୍ୱିଡେନ୍ ୧-୦ ଗୋଲ୍ରେ ସ୍ୱିଜରଲାଣ୍ଡକୁ ପରାସ୍ତ କରି ୭ମ ଦଳ ଭାବେ କ୍ବାର୍ଟର ଫାଇନାଲରେ ପ୍ରବେଶ କରିଥିବା ବେଳେ ଅନ୍ତିମ ପ୍ରି-କ୍ବାର୍ଟରଫାଇନାଲରେ ଇଂଲଣ୍ଡ ୪-୩ ପେନାଲଟି ସୁଟ୍ରେ କଲମ୍ବିଆକୁ ପରାସ୍ତ କରି ସର୍ବଶେଷ ବା ଅଷ୍ଟମ ଦଳ ଭାବେ କ୍ବାର୍ଟରଫାଇନାଲରେ ପ୍ରବେଶ କରିଛି। ଅନ୍ତିମ ପ୍ରିକ୍ବାର୍ଟର ଇଂଲଣ୍ଡ ଓ କଲମ୍ବିଆ ମଧ୍ୟରେ ନିର୍ଦ୍ଧାରିତ ତଥା ଅତିରିକ୍ତ ସମୟରେ ୧-୧ରେ ଶେଷ ହୋଇଥିଲା। ଫଳରେ ପେନାଲଟି ସୁଟ୍ଆଉଟ୍ର ଆଶ୍ରୟ ନିଆଯାଇଥିଲା।
କ୍ୱାର୍ଟର ଫାଇନାଲ ରାଉଣ୍ଡ
ତାରିଖ ମ୍ୟାଚ୍ ସମୟ
୬ା୭ ଉରୁଗୁଏ-ଫ୍ରାନ୍ସ ସନ୍ଧ୍ୟା ୭.୩୦
୬ା୭ ବ୍ରାଜିଲ-ବେଲ୍ଜିୟମ୍ ରାତି ୧୧.୩୦
୭ା୭ ସ୍ୱିଡେନ୍- ଇଂଲଣ୍ଡ ସନ୍ଧ୍ୟା ୭.୩୦
୭ା୭ ରୁଷିଆ-କ୍ରୋଏସିଆ ରାତି ୧୧.୩୦
