ମସ୍କୋ : ତାରକା ଷ୍ଟ୍ରାଇକର ନିଏମାରଙ୍କ ଚମତ୍କାର ପ୍ରଦର୍ଶନ ବଳରେ ଚଳିତ ଫୁଟ୍ବଲ ବିଶ୍ୱକପ୍ର କ୍ୱାର୍ଟର ଫାଇନାଲରେ ପ୍ରବେଶ କରିଛି ଶକ୍ତିଶାଳୀ ବ୍ରାଜିଲ। ସେହିପରି ଦ୍ବିତୀୟ ମ୍ୟାଚ୍ରେ ଶକ୍ତିଶାଳୀ ବେଲ୍ଜିୟମ ୩-୨ ଗୋଲ୍ରେ ଜାପାନକୁ ପରାସ୍ତ କରି କ୍ବାର୍ଟର ଫାଇନାଲରେ ପ୍ରବେଶ କରିଛି। ଏଥିସହ ଜାପାନର ପ୍ରଥମ ବିଶ୍ବକପ କ୍ବାର୍ଟର ଫାଇନାଲ ଖେଳିବା ଆଶା ଧୂଳିସାତ ହୋଇଯାଇଛି। ଏକଦା ଜାପାନ ୨-୦ ଗୋଲରେ ଆଗୁଆ ରହି ଉନ୍ମାଦନା ସୃଷ୍ଟି କରିଥିଲା। ତେବେ ବେଲ୍ଜିୟମ ସମସ୍ତ ଅଭିଜ୍ଞତା ଖଟାଇ କ୍ରମାଗତ ୩ଟି ଗୋଲ୍ ଦେଇ ବିଜୟୀ ହୋଇଥିଲା। ଖେଳ ଶେଷ ହେବାର ୪୦ସେକେଣ୍ଡ ପୂର୍ବରୁ ମ୍ୟାଚ୍ ୨-୨ରେ ବରାବର ଥିବାବେଳେ ବେଲ୍ଜିୟମ ବିଜୟସୂଚକ ଗୋଲ୍ ଦେଇ ୬ଷ୍ଠ ଦଳ ଭାବେ କ୍ବାର୍ଟର ଫାଇନାଲରେ ପ୍ରବେଶ କରିଥିଲା।
ମଙ୍ଗଳବାର ଚଳିତ ବିଶ୍ବକପର ପ୍ରିକ୍ୱାର୍ଟର ଫାଇନାଲ ମ୍ୟାଚ ଶେଷ ହେଉଥିବା ବେଳେ ବର୍ତ୍ତମାନ ସୁଦ୍ଧା ଫ୍ରାନ୍ସ, ଉରୁଗୁଏ, ରୁଷିଆ, କ୍ରୋଏସିଆ, ଜାପାନ ଏବଂ ବେଲ୍ଜିୟମ କ୍ବାର୍ଟର ଫାଇନାଲରେ ପ୍ରବେଶ କରିଛନ୍ତି। ଅନ୍ୟପକ୍ଷରେ ଶକ୍ତିଶାଳୀ ଆର୍ଜେଣ୍ଟିନା, ପର୍ତ୍ତୁଗାଲ, ସ୍ପେନ୍ ,ଡେନ୍ମାର୍କ, ମେକ୍ସିକୋ ଏବଂ ଜାପାନ ପ୍ରିକ୍ୱାର୍ଟର ଫାଇନାଲ ରାଉଣ୍ଡରୁ ବିଦାୟ ନେଇଛନ୍ତି।
