ହାର୍ନିଆ ରୋଗୀଙ୍କୁ କରୋନା; ହସ୍ପିଟାଲ୍ ସିଲ୍, ସବୁ କର୍ମଚାରୀଙ୍କୁ କ୍ବାରେଣ୍ଟାଇନ୍ରେ ରହିବାକୁ ନିର୍ଦେଶ
ସାକ୍ଷୀଗୋପାଳ: ସ୍ଥାନୀୟ ମହାବୀର କଲୋନୀସ୍ଥିତ ଗୋପୀନାଥ ହସ୍ପିଟାଲରେ ଚିକିତ୍ସିତ ହେଉଥିବା ଜନୈକ ଯୁବକ ଆଜି କରୋନା ପଜିଟିଭ ଚି଼ହ୍ନଟ ହୋଇଛନ୍ତି। ଡାକ୍ତରଖାନାକୁ ସିଲ୍ ପରେ ଏହାର ପରିସର ବିଶୋଧନ କରାଯାଇଛି। ଡାକ୍ତରଖାନା କର୍ମଚାରୀ ମାନଙ୍କୁ ସଙ୍ଗରୋଧରେ ରଖାଯାଇଛି।
ପିପିଲି ଥାନାର ମଙ୍ଗଳପୁର ପଞ୍ଚାୟତ ଅନ୍ତର୍ଗତ ଏକ ଗ୍ରାମର ଜନୈକ ୨୭ ବର୍ଷ ବୟସ୍କ ଯୁବକ ମହାବୀର କଲୋନୀସ୍ଥିତ ଗୋପୀନାଥ ହସ୍ପିଟାଲରେ ଗତ ୭ ତାରିଖ ଦିନ ହାର୍ନିଆ ଅପରେସନ ହୋଇଥିଲା। ଏହାପରେ ତାଙ୍କୁ ଜ୍ୱର ଓ ଥଣ୍ଡା ହେବାରୁ ଗତକାଲି ତାଙ୍କର କରୋନା ପରୀକ୍ଷା କରାଯାଇଥିଲା। ଆଜି ତାଙ୍କର କରୋନା ପଜିଟିଭ ଚି଼ହ୍ନଟ ହୋଇଥିଲା। ସତ୍ୟବାଦୀ ବିଡିଓ ସରୋଜ କୁମାର ଦତ୍ତ ସେଠାରେ ପହଞ୍ଚି ଡାକ୍ତରଖାନାଟିକୁ ସିଲ୍ କରିଥିଲେ ଏବଂ ଏହାପରେ ଡାକ୍ତରଖାନାକୁ ବିଶୋଧନ କରିଛନ୍ତି। ଏହି ଡାକ୍ତରଖାନାେର କାର୍ଯ୍ୟରତ ୧୧ ଜଣ କର୍ମଚାରୀଙ୍କୁ ସେଲ୍ଫ କ୍ଵାରେଣ୍ଟଇନରେ ରହିବାକୁ ସେ ନିର୍ଦେଶ ଦେଇଛନ୍ତି। ଏହି ସମୟରେ ଡାକ୍ତରଖାନାକୁ ଆସିଥିବା ରୋଗୀ ଓ ସହାୟକ ମାନଙ୍କର ତାଲିକା ପ୍ରସ୍ତୁତ କରାଯାଉ ଥିବାର ଜଣାପଡ଼ିଅଛି।
Comments are closed.