ବାଲେଶ୍ବର: ବାଗୁଡି ବଜାରର ନବୋଦୟ ମେଣ୍ଢାଗଢିଆ ରାସ୍ତାରେ କିଛି ଦୁର୍ବୃତ୍ତ ଆସି ଫାଙ୍କା ଗୁଳି ଚଳାଇ ଫେରାର ହୋଇ ଯାଇଛନ୍ତି । ସୂଚନାଯୋଗ୍ୟ, ଦୁଇଟି ବାଇକରେ ୪ ଜଣ ଯୁବକ ସନ୍ଦେହ ଜନକ ଅବସ୍ଥାରେ ବୁଲୁଥିବା ବେଳେ ସ୍ଥାନୀୟଲୋକେ ସେମାନଙ୍କୁ ଅଟାଇଥିଲେ । ଏହି ସମୟରେ ସେମାନେ ସାଙ୍ଗରେ ଆଣିଥିବା ବନ୍ଧୁକରୁ ଗୁଳି ଚଳାଇ ଥିଲେ ଓ ପରେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ସେମାନଙ୍କୁ ଧରିବା ପାଇଁ ସ୍ଥାନୀୟଲୋକ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଛନ୍ତି । ଉକ୍ତ ସ୍ଥାନରୁ ଦୁଇଟି ଖୋକା ଜବତ ହୋଇଛି ।
