ବାଲେଶ୍ୱର: ସାମାନ୍ୟ ମାଂସ ତରକାରୀ ପାଇଁ ଉତ୍ତେଜନା ସୃଷ୍ଟି ହୋଇଛି। ବାଲେଶ୍ୱରରେ ଥିବା ଏକ ହୋଟେଲକୁ ଯାଇ କିଛି ମୁସଲିମ୍ ସମ୍ପ୍ରଦାୟର ଯୁବକ ମାଂସ ତରକାରୀ ମାଗିଥିଲେ। ମାତ୍ର କୌଣସି କାରଣରୁ ହୋଟେଲ ରୋଷେଇୟା ଏହା ଦେଇ ପାରି ନଥିଲେ। ଏହାକୁ ନେଇ ଯୁବକମାନେ ଉତ୍ତ୍ୟକ୍ତ ହୋଇ ହୋଟେଲର ମହିଳା ରୋଷେଇୟା,ମାଲିକାଣି ଓ ଅନ୍ୟ ଗ୍ରାହକଙ୍କୁ ମାଡ ମାରିଥିଲେ। ଏହି ଘଟଣା ପରେ ବାଲେଶ୍ୱରର ଶ୍ରୀଜଙ୍ଗରେ ଉତ୍ତେଜନା ସୃଷ୍ଟି ହୋଇଥିଲା। ପୁଲିସ ଘଟଣାସ୍ଥଳରେ ପହଞ୍ଚି ୪ଜଣ ଯୁବକଙ୍କୁ ଅଟକ ରଖି ପଚରାଉଚରା କରୁଛି। ସାରା ଅଞ୍ଚଳରେ ବର୍ତ୍ତମାନ ପୁଲିସ ଛାଉଣୀ କରାଯାଇଛି।
