ଲଣ୍ଡନ: ଲକଡ଼ାଉନ ନିୟମ ଭାଙ୍ଗି ଅଡ଼ୁଆରେ ପଡ଼ିଛନ୍ତି ଲଣ୍ଡନର ଜଣେ ସାଂସଦ ରୋଜି ଡ଼୍ୟୁଫିଲ୍ଡ଼ । କେବଳ ଅଡ଼ୁଆରେ ପଡ଼ି ନାହାନ୍ତି ଏଥିପାଇଁ ଲେବର ପାର୍ଟିରେ ସେ ଥିବା ଏକ ଗୁରୁତ୍ବପୂର୍ଣ୍ଣ ପଦ ମଧ୍ୟ ଛାଡ଼ିଛନ୍ତି । ତେବେ ଏହାକୁ ବ୍ୟକ୍ତିଗତ କାରଣ ବୋଲି ରୋଜି ବର୍ଣ୍ଣନା କରିଛନ୍ତି । ଏଥିପାଇଁ ସେ କ୍ଷମା ପ୍ରାର୍ଥନା କରିଛନ୍ତି ।
ରୋଜିଙ୍କର ବୟସ ୪୮ ବର୍ଷ ଏବଂ ସେ ଅଲଗା ସ୍ଥାନରେ ରହୁଥିବା ତାଙ୍କର ଜଣେ ବନ୍ଧୁଙ୍କୁ ଦେଖା କରିବାକୁ ଯାଇଥିଲେ । ମାତ୍ର ଏହାକୁ ନେଇ ବିବାଦ ସୃଷ୍ଟି ହୋଇଥିଲା ଏବଂ ଏହାପରେ ସେ ପଦତ୍ୟାଗ କରିଥିବା ସୂଚନା ମିଳିଛି ।
Rosie Duffield: Labour MP steps down as whip after breaking lockdown rules https://t.co/JEaZXyDrXt
— SkyNews (@SkyNews) May 30, 2020
ସେ ଓ ତାଙ୍କ ପୁରୁଷ ସାଥି ୨ ମିଟରର ସାମାଜିକ ବ୍ୟବଧାନ ନିୟମକୁ ପାଳନ କରିଥିଲେ । ତେବେ ଏହାକୁ ଭିନ୍ନ ଆକାରରେ ଦର୍ଶାଯାଇଥିଲା ବୋଲି ରୋଜି କହିଛନ୍ତି । ତାଙ୍କର ବନ୍ଧୁ ଅତ୍ୟନ୍ତ ଅସହାୟ ପରିସ୍ଥିତିରେ ଥିବା ସୂଚନା ପାଇବାପରେ ସେ ତାଙ୍କୁ ଭେଟ କରିବାକୁ ଯାଇଥିଲେ ବୋଲି କହିଛନ୍ତି । ତେବେ ସେ ଏହି ସମୟରେ ଲକ୍ ଡ଼ାଉନ ନିୟମ ମାନି ନ ଥିବା ସ୍ବୀକାର କରିବା ସହ ଏଥିପାଇଁ କ୍ଷମା ମାଗିଛନ୍ତି ।
ଚାନ୍ସସେଲର୍ ଆନେଲାଇଜ୍ ଡୋଡସ୍ କହିଛନ୍ତି ଯେ ରୋଜୀ ନିଜ ଦୋଷ ସ୍ବୀକାର କରିଛନ୍ତି ଏବଂ ନିଜ ପଦରୁ ଇସ୍ତଫା ଦେଇଛନ୍ତି । ସେ ଲକଡାଉନ୍ ନିୟମକୁ ଭାଙ୍ଗି ତାଙ୍କ ସାଥି ଜେମସ୍ ରୋଥଙ୍କ ସହ ବୁଲିବାକୁ ଯାଇଥିଲେ ବୋଲି ଚର୍ଚା ହେଉଛି ବୋଲି ଡ଼ୋଡ଼ସ୍ କହିଛନ୍ତି ।
