ପିପିଲି:ପୁଅ ଚଳାଉଥିବା ଟ୍ରକ ଚାପାରେ ମାଆଙ୍କର ଘଟଣାସ୍ଥଳରେ ଶୋଚନୀୟ ମୃତ୍ୟୁ ଘଟିଛି। ପିପିଲି ଥାନା ଅନନ୍ତପୁର ଗ୍ରାମର ବାଲିଉପରସାହିରେ ସୋମବାର ଅପରାହ୍ନରେ ଏଭଳି ଦୁଃଖଦ ଘଟଣା ଘଟିଛି । ମୃତ ମହିଳା ଜଣକ ବାଲିଉପରସାହିର କମଳକାନ୍ତ ତରାଇଙ୍କ ପତ୍ନୀ ସଞ୍ଜୁକ୍ତା ତରାଇ(୫୩)।
ସୂଚନା ଅନୁଯାୟୀ, କମଳକାନ୍ତଙ୍କ ପୁଅ ପ୍ରଭାତ ଓରଫ କାଳିଆ ଜଣେ ଟ୍ରକ୍ ଡ୍ରାଇଭର । ସେ ସୋମବାର ଅପରାହ୍ନ ୩ଟା ୩୫ ମିନିଟ୍ ସମୟରେ ନିଜ ଘର ଆଗରେରେ ଏକ ଗୋଡି ବୋଝେଇ ଟ୍ରକ୍କୁ ପଛକୁ ନେଉଥିବା ବେଳେ ଏହି ଅଘଟଣ ଘଟିଛି। ତାଙ୍କ ମାଆ ସଞ୍ଜୁକ୍ତା ଟ୍ରକ୍ ପଛରେ ରାସ୍ତା ଉପରେ ଥିବା ବେଳେ ଟ୍ରକ୍ର ପଛଚକା ତାଙ୍କ ଉପରେ ଚଢି ଯାଇଥିଲା , ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ତାଙ୍କୁ ଠିକ୍ଭାବେ ଶୁଭୁ ନ ଥିବା କାରଣରୁ ଟ୍ରକପଛକୁ ଆସୁଥିବାର ଶବ୍ଦ ସେ ଶୁଣିପାରି ନ ଥିବା କୁହାଯାଉଛି। ପୁଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପୁରୀ ପଠାଇବା ସହ ଦୁର୍ଘଟଣା ଘଟାଇଥିବା ଟ୍ରକ୍କୁ ଜବତ କରି ଘଟଣାର ଅନୁସନ୍ଧାନ ଚଳାଇଥିବା ସୂଚନା ମିଳିଛି।
