ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ଟେଲିଫୋନ ଯୋଗେ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ସହିତ କଥାବାର୍ତ୍ତା କରିଛନ୍ତି ।
ଦୁଇ ନେତା କୋଭିଡ-୧୯ ମହାମାରୀ ସମ୍ବନ୍ଧରେ ବିଶ୍ୱସ୍ତରୀୟ ପରିସ୍ଥିତି ଉପରେ ଆଲୋଚନା କରିଥିଲେ । ବିଶ୍ଵର ଏକତା ଏବଂ ସମନ୍ୱୟର ଗୁରୁତ୍ୱ, ଯୋଗାଣ ଶୃଙ୍ଖଳର ରକ୍ଷଣାବେକ୍ଷଣ ଏବଂ ସହଯୋଗୀ ଅନୁସନ୍ଧାନ କାର୍ଯ୍ୟକଳାପ ନେଇ ସେମାନେ ସହମତ ହୋଇଥିଲେ ।
କାନାଡାରେ ଥିବା ଭାରତୀୟ ନାଗରିକ ବିଶେଷ କରି ଭାରତୀୟ ଛାତ୍ରଛାତ୍ରୀମାନଙ୍କୁ ଦିଆଯାଇଥିବା ସହାୟତା ପାଇଁ ପ୍ରଧାନମନ୍ତ୍ରୀ କାନାଡା ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ପ୍ରଧାନମନ୍ତ୍ରୀ ଟ୍ରୁଡୋ ମଧ୍ୟ ଭାରତରେ ରହିଥିବା କାନାଡା ନାଗରିକଙ୍କ ପାଇଁ ଭାରତ ସରକାର ଦେଇଥିବା ସହାୟତାକୁ ପ୍ରଶଂସା କରିଛନ୍ତି ।
ପ୍ରଧାନମନ୍ତ୍ରୀ ଏହି ଆଶ୍ୱାସନା ଦେଇଛନ୍ତି ଯେ, ଔଷଧ କ୍ଷେତ୍ରରେ ଭାରତର ଉତ୍ପାଦନ କ୍ଷମତା ଓ ଭାରତର ଦକ୍ଷତା କାନାଡା ସମେତ ବିଶ୍ଵବାସୀଙ୍କୁ ସହାୟତା କରିବା ପାଇଁ ଉପଲବ୍ଧ ରହିବ ।
ମହାମାରୀର ମୁକାବିଲା ପାଇଁ ଭାରତ ଏବଂ କାନାଡା ମଧ୍ୟରେ ଭାଗିଦାରୀ ବିଶେଷ ଭାବରେ କୋଭିଡ-୧୯ ମହାମାରୀର ଚିକିତ୍ସା ସମାଧାନ ଖୋଜିବାରେ ସହାୟକ ହେବ ବୋଲି ଏହି ଦୁଇ ନେତା ସହମତ ହୋଇଥିଲେ।
କୋଭିଡ-୧୯ ମୁକାବିଲା : ଚିକିତ୍ସା ସମାଧାନରେ ଭାରତ-କାନାଡା ଭାଗିଦାରୀ ସହାୟକ ହେବ
Popular Categories
Previous article
Next article