ନୂଆଦିଲ୍ଲୀ : ଦେଶରେ କୋଭିଡ୍-୧୯ ଆରୋଗ୍ୟ ହାର ଶତକଡ଼ା ୨୩ .୦୩ ଭାଗକୁ ବୃଦ୍ଧି ପାଇଛି । ବର୍ତ୍ତମାନ ସୁଦ୍ଧା ୭ହଜାର ୨୭ ଜଣ ସଂକ୍ରମିତ ବ୍ୟକ୍ତି ଆରୋଗ୍ୟ ଲାଭ କରିଛନ୍ତି । ସେହିପରି ଗତ ୨୪ ଘଣ୍ଟା ମଧ୍ୟରେ ୬୮୪ ଜଣ ଲୋକ ଆରୋଗ୍ୟ ଲାଭ କରିଛନ୍ତି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏହି ସୂଚନା ଦିଆଯାଇଛି।
ଗତ ୨୮ ଦିନ ଧରି ଦେଶର ୧୭ଟି ଜିଲ୍ଲାରେ ଆଉ କୌଣସି ନୂଆ ଲୋକ କୋଭିଡ୍-୧୯ରେ ସଂକ୍ରମିତ ହୋଇ ନାହାନ୍ତି । ସେହିପରି କୋଭିଡ୍-୧୯ ର ଚିକିତ୍ସା ପାଇଁ ପ୍ଲାଜମା ଥେରାପିକୁ ଛାଡ଼ି ବର୍ତ୍ତମାନ ଆଉ କୌଣସି ଚିକିତ୍ସା ଉପାୟ ନାହିଁ ।
ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାିଛି, ଆଇସିଏମ୍ଆର୍ ଦ୍ୱାରା ଅଧ୍ୟୟନ ଓ ବୈଜ୍ଞାନିକମାନଙ୍କ ଦ୍ୱାରା ପରୀକ୍ଷା ନିରୀକ୍ଷା ପରେ ପ୍ଲାଜମା ଥେରାପି କୋଭିଡ୍-୧୯ ପାଇଁ କେବଳ ପ୍ରୟୋଗ କରାଯାଇ ପାରିବ ବୋଲି ଜଣାପଡ଼ିଛି । ତେବେ ପ୍ଲାଜମା ଥେରାପିକୁ ଯଦି ଠିକ୍ ଉପାୟରେ ଓ ଉପଯୁକ୍ତ
ପରାମର୍ଶ ଅନୁଯାୟୀ ବ୍ୟବହାର କରାନଯାଏ ତାହେଲେ ଏହାର ଫଳାଫଳ ଭୟାବହ ହେବ।
