ଖୁଣ୍ଟା: କପ୍ତିପଦା ଉପଖଣ୍ଡରେ ଦିନ ଦିନ ଧରି ଲଗାତାରଭାବେ ଚାଲିଥିବା ଅଘୋଷିତ ବିଦ୍ୟୁତ୍ କାଟ୍ ଯୋଗୁଁ ଅତିଷ୍ଠ ଜନସାଧାରଣ ପ୍ରଚଣ୍ଡ ଗ୍ରୀଷ୍ମ ପ୍ରବାହକୁ ଖାତିର ନ କରି ସୋମବାର ଖୁଣ୍ଟାର ନେସ୍କୋ ବିଦ୍ୟୁତରେ ଏସଡିଓ କାର୍ଯ୍ୟାଳୟ ଓ ସେକ୍ସନ କାର୍ଯ୍ୟାଳୟ ବିକ୍ଷୋଭ ପ୍ରଦର୍ଶନ କରିବା ସହ କାର୍ଯ୍ୟାଳୟ ଘେରାଉ କରିଛନ୍ତି । ସ୍ଥାୟୀ ପ୍ରତିକାର ଦାବି କରି ଖୁଣ୍ଟା ବିଦ୍ୟୁତ୍ ଏସଡିଓ ଓ ସେକ୍ସନ କାର୍ଯ୍ୟାଳୟରେ ଆନ୍ଦୋଳନକାରୀଙ୍କ ପକ୍ଷରୁ ତାଲା ମଧ୍ୟ ପକାଇ ଦିଆଯାଇଛି । ତତ୍ସହିତ ଉଦଳା ନେସ୍କୋ ବିଦ୍ୟୁତ କାର୍ଯ୍ୟାଳୟ ସମ୍ମୁଖରେ ମଧ୍ୟ ବିକ୍ଷୋଭ ଜାରି ରହିଛି ।
