ସୋର: ତୀର୍ଥଯାତ୍ରୀ ବସ ଦୁର୍ଘଟଣାରେ ଜଣେ ମୃତ୍ୟୁ ବରଣ କରିଛନ୍ତି। ଖନ୍ତାପଡା ଥାନା ଜାତୀୟ ରାଜପଥ ପଣପଣା ଠାରେ କୋଲକାତାରୁ ଯାଉଥିବା ତୀର୍ଥଯାତ୍ରୀ ବସଟି ଏକ ଟାଟା ଏସିକୁ ବଞ୍ଚାଇବାକୁ ଯାଇ ଓଲଟି ପଡିଥିଲା। ବସରେ ଥିବା ଜଣେ ତୀର୍ଥଯାତ୍ରୀ ବସ ତଳେ ଚାପି ହୋଇ ପ୍ରାଣ ହରାଇଛନ୍ତି। ମୃତ ତୀର୍ଥଯାତ୍ରୀ ହେଲେ ହାଓଡା ଟିଲୋ ଅଞ୍ଚଳର ନାସିରିମ ବେଗମ। ବସଟି ହାଓଡାରୁ ଧାମନଗରକୁ ଯାଉଥିଲା। ଦୁର୍ଘଟଣାରେ ୪୦ରୁ ଅଧିକ ତୀର୍ଥଯାତ୍ରୀ ଆହତ ହୋଇଛନ୍ତି। ଖବର ପାଇ ପୁଲିସ ଓ ସ୍ଥାନୀୟ ଲୋକ ବସରୁ ତୀର୍ଥଯାତ୍ରୀ ମାନଙ୍କୁ ଉଦ୍ଧାର କରିଛନ୍ତି। ଆହତ ମାନଙ୍କୁ ସୋର ଓ ଖନ୍ତପଡା ଡାକ୍ତରଖାନାରେ ଭର୍ତ୍ତି କରାଯାଇଛି।
