ସୋର: ସୋର କଲେଜ ଛକ ସ୍ଥିତ ଜନୈକ ଅଧ୍ୟାପକଙ୍କ ଘରୁ ଟଙ୍କା ଓ ସୁନା ଲୁଟ୍ ଅଭିଯୋଗ ହୋଇଛି। ଦୁର୍ବୃତ୍ତମାନେ ଗ୍ରିଲ ଭାଙ୍ଗି ୨ ଲକ୍ଷ ଟଙ୍କା ୬ ଭରି ସୁନା ଗହଣା ଲୁଟି ନେଇଥିବା ଅଭିଯୋଗ ହୋଇଛି।
ପୁଲିସ ସୂଚନା ଅନୁଯାୟୀ, ଭଦ୍ରକ ଜିଲା ଆଗରପଡା କଲେଜ ଅଧ୍ୟାପକ ତାରାକାନ୍ତ ମଲିକ କଲେଜଛକ ଭଡାଘରେ ରହୁଥିଲେ। ଗତ ୧୦ ତାରିଖରେ ସେ ଜଳେଶ୍ବରକୁ ଯାଇଥିଲେ। ଘରେ କେହି ନଥିବାର ସୁଯୋଗ ନେଇ ଦୁର୍ବୃତ୍ତମାନେ ଘରେ ପଶି ଆଲମିରା ଖୋଲି ଟଙ୍କା ଓ ସୁନା ଗହଣା ଚୋରି କରିନେଇଛନ୍ତି। ସୋର ପୁଲିସ ସାଇଣ୍ଟିଫିକ୍ ଟିମ୍ ଓ ଅନୁସନ୍ଧାନକାରୀ କୁକୁର ସହାୟତା ତଦନ୍ତ ଆରମ୍ଭ କରିଛି।
