ନୂଆଦିଲ୍ଲୀ: ୨୦୧୭ ବର୍ଷରେ ଦେଶର ଅର୍ଥବ୍ୟବସ୍ଥା ସହ ରିୟଲ ଇଷ୍ଟେଟ ମଧ୍ୟ ସଂକଟରେ ପଡ଼ିଥିଲା। ଏହି ସମୟରେ ଦେଶର ୭ ବଡ଼ ସହରରେ ପ୍ରାୟ ୪ ଲକ୍ଷ ୪୦ ହଜାର ଫ୍ଲାଟ୍ ବିକ୍ରି ହୋଇ ନ ପାରି ଖାଲି ପଡ଼ିଛି। ପ୍ରପର୍ଟି କନସଲଟାଣ୍ଟ ଜେଏଲଏଲ ରିପୋର୍ଟ ମୁତାବକ, ବିକ୍ରି ହୋଇପାରି ନ ଥିବା ପ୍ରପର୍ଟି ପ୍ରସଙ୍ଗରେ ପ୍ରଥମ ସ୍ଥାନରେ ରହିଛି ଦିଲ୍ଲୀ-ଏନ୍ସିଆର। ଏଠାରେ ପ୍ରାୟ ୧ ଲକ୍ଷ ୫୦ ହଜାର ଫ୍ଲାଟ ଖାଲି ପଡ଼ିଛି। ବିକ୍ରି ହୋଇନଥିବା ପ୍ରପର୍ଟି ସଂଖ୍ୟା ଅଧିକ ଥିବାରୁ ଏଗୁଡିକର ମୂଲ୍ୟ ହ୍ରାସ ନିକଟରେ ପାଇବ ବୋଲି ଜିଏଲଏଲ ପକ୍ଷରୁ ଅନୁମାନ କରାଯାଉଛି। ଜେଏଲଏଲର ଏହି ସର୍ଭେରେ ମୁମ୍ବଇ, ଦିଲ୍ଲୀ-ଏନ୍ସିଆର, ଚେନ୍ନାଇ ଓ ହାଇଦରାବାଦ, ପୁଣେ, ବେଙ୍ଗାଲୁରୁ, କଲିକତା ଆଦି ବଡ଼ ବଡ଼ ସହରଗୁଡ଼ିକୁ ସାମିଲ କରାଯାଇଥିଲା। ବିମୁଦ୍ରାୟନ ଓ ଜିଏସ୍ଟି କାରଣରୁ ଏହି ପରିସ୍ଥିତି ଉପୁଜିଥିବା ରିୟଲ ଇଷ୍ଟେଟ ବିଶେଷଜ୍ଞ ମତ ଦେଇଛନ୍ତି।
Popular Categories
Previous article
Next article