ନୂଆଦିଲ୍ଲୀ : ‘ଏକ ଭାରତ-ଶ୍ରେଷ୍ଠ ଭାରତ’ ଅଭିଯାନ ସୋମବାର ଅର୍ଥାତ ଆସନ୍ତାକାଲି ଠାରୁ ସମଗ୍ର ଭାରତରେ ଆରମ୍ଭ ହେବ। ସୂଚନା ଓ ପ୍ରସାରଣ ମନ୍ତ୍ରଣାଳୟ ଦ୍ୱାରା ଆୟୋଜିତ ୧୮ଦିନ ଧରି ଚାଲିବାକୁ ଥିବା ଏହି ଅଭିଯାନ ଆସନ୍ତା ୨୮ ତାରିଖ ପର୍ଯ୍ୟନ୍ତ ଚାଲିବ। ‘ଏକ ଭାରତ-ଶ୍ରେଷ୍ଠ ଭାରତ’, ଜାତୀୟ ସଂହତିର ଭାବ ଉଦ୍ରେକ କରିବା ସହ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ସମ୍ପର୍କକୁ ଅଧିକଦୃଢୀଭୂତ କରିବ।
‘ଏକ ଭାରତ-ଶ୍ରେଷ୍ଠ ଭାରତ’ – ୨୦୧୬ କାର୍ଯ୍ୟକ୍ରମର ଉଦ୍ଘାଟନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଥିଲେ, ଏହା ଦ୍ୱାରା ଦେଶର ବିଭିନ୍ନ ରାଜ୍ୟର ଲୋକମାନଙ୍କ ମଧ୍ୟରେ ସମ୍ପର୍କ ଦୃଢୀଭୂତ ହୋଇପାରିବ। ଏହି କାର୍ଯ୍ୟକ୍ରମ ଲୋକମାନଙ୍କ ମଧ୍ୟରେ , ଦେଶର ବିବିଧତା ମଧ୍ୟରେ ଏକତାର ଏକ ନିଆରା ଉତ୍ସବ ବୋଲି ସେ କହିଥିଲେ। ଏହି କାର୍ଯ୍ୟକ୍ରମ ଦ୍ୱାରା ଦେଶର ଲୋକମାନଙ୍କ ମଧ୍ୟରେ ପାରମ୍ପରିକ ଆବେଗ ସୃଷ୍ଟିି କରିପାରିବ। ଦେଶର ୩୬ଟି ରାଜ୍ୟ ଓ ୬ଟି କେନ୍ଦ୍ରଶାସିତ ଅଞ୍ଚଳର ଉଚ୍ଚ ଐତିହ୍ୟ, ସଂସ୍କୃତି, ପ୍ରଥା ପରମ୍ପରା ‘ଏକ ଭାରତ-ଶ୍ରେଷ୍ଠ ଭାରତ’ କାର୍ଯ୍ୟକ୍ରମର ମୂଳ ଉଦ୍ଦେଶ୍ୟ ରହିଛି।
