ବିବାଦୀୟ ଦକ୍ଷିଣ ଚୀନ ସାଗରରେ ଚୀନ ସେନା ବିସ୍ତାରବାଦୀ ନୀତି ଆପଣାଇଛି ବୋଲି ସିଙ୍ଗାପୁରରେ ଆୟୋଜିତ ଏକ ଉଚ୍ଚସ୍ତରୀୟ ସୁରକ୍ଷା ସମ୍ମିଳନୀରେ କହିଛନ୍ତିି ଆମେରିକାର ରକ୍ଷାମନ୍ତ୍ରୀ ଜେମସ ମ୍ୟାଟିସ। ଦକ୍ଷିଣ ଚୀନ ସାଗରରେ ଚୀନ କୃତିମ ଦ୍ୱୀପ ନିର୍ମାଣ କରିବା ସହ ବୋମା ବର୍ଷଣକାରୀ ବିମାନ ମୁତୟନ କରିଛି। ସେହିପରି ନିକଟରେ ଚୀନ ଯୁଦ୍ଧ ବୁଡ଼ା ଜାହାଜ ସହ ଭୂପୃଷ୍ଠରୁ ଆକାଶ ଓ ଆକାଶରୁ ଅକାଶକୁ ନିକ୍ଷେପ କରାଯାଉଥିବା କ୍ଷେପଣାସ୍ତ୍ର ମୁତୟନ କରିଛି। ଏହାସହ ଇଲେକଟ୍ରୋନିକ ଜ୍ୟାମର ଭଳି ଅନେକ ଯନ୍ତ୍ର ଦ୍ୱୀପ ଏବଂ ଜାହାଜ ଖଞ୍ଜିଛି। ଚୀନର ଏଭଳି ଆଭିମୁଖ୍ୟକୁ ଜେମସ୍ ମ୍ୟାଟିସ୍ ଦାଦାଗିରି ବା ବିସ୍ତାରବାଦୀ ନୀତି ବୋଲି କହିଛନ୍ତି। ଚୀନର ଏଭଳି ନୀତିକୁ ଆମେରିକା ଦୃଢ ବିରୋଧ କରୁଛି ଓ ଏହାର ମୁକାବିଲା କରାଯିବ ବୋଲି ମ୍ୟାଟିସ୍ କହିଛନ୍ତି। ଏହି ଅବସରରେ ସିଙ୍ଗାପୁରଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ମ୍ୟାଟିସ୍ଙ୍କ ମଧ୍ୟରେ ସାକ୍ଷାତ ଆଲୋଚନା ହୋଇଛି। ଏହି ବୈଠକରେ ଉଭୟ ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ।
Popular Categories
Previous article
Next article