ମେଡ଼ିକାଲରେ ପହଞ୍ଚିବା ପୂର୍ବରୁ ଦୁର୍ଘଟଣାରେ ଚାଲିଗଲା ରୋଗୀଙ୍କ ଜୀବନ

ମୟୁରଭଞ୍ଜ: ଏମିତି ବି ଆସେ ମୃତ୍ୟୁ। ଚିକିତ୍ସା ପାଇଁ ମେଡିକାଲ ଯିବା ବାଟରେ ହେଲା ଦୁର୍ଘଟଣା। ଆଉ ସେହି ଦୁର୍ଘଟଣାରେ ଚାଲିଗଲା ରୋଗୀଙ୍କ ଜୀବନ। ଏଭଳି ଏକ ଅଭାବନୀୟ ଘଟଣା ମୟୁରଭଞ୍ଜ ଜିଲାରେ ଘଟିଛି।

ମିଳିଥିବା ସୂଚନା ଅନୁଯାୟୀ, ମୟୁରଭଞ୍ଜ ଜିଲା ଝରାଡ଼ି ଅଞ୍ଚଳରେ ଜଣଙ୍କ ଦେହ ଅସୁସ୍ଥ ହେବାରୁ ତାଙ୍କର ଚିକିତ୍ସା ପାଇଁ ତାଙ୍କ ଭଉଣୀ ଓ ପୁତୁରା କଟକ ମେଡିକାଲ ନେଇ ଯାଉଥିଲେ। କିନ୍ତୁ କୁଡ଼ୁମା ଛକ ନିକଟରେ ତାଙ୍କ ଗାଡି ରାସ୍ତାରେ ଥିବା ଏକ ଗଛରେ ପିଟି ହୋଇଥିଲା। ଫଳରେ ଘଟଣାସ୍ଥଳରେ ଉକ୍ତ ରୋଗୀର ମୃତ୍ୟୁ ଘଟିଥିଲା। ଏହି ଦୁର୍ଘଟଣାରେ ରୋଗୀଙ୍କ ସହ ଥିବା ତାଙ୍କ ଭଉଣୀ ଓ ପୁତୁରା ମଧ୍ୟ ଗୁରୁତର ଆହତ ହୋଇଥିଲେ। ସେମାନଙ୍କୁ କଟକ ଏସସିବି ମେଡିକାଲକୁ ପଠାଯାଇଛି।